Matius 3:6 - Kaili Ledo

⁶ Ira nompangaku dosara bo ira nidiuna ri Binangga Yordan tanda najeamo lako ri dosara.

Matius 3:6 Iomraidhean Croise

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Markus 1:5

Bo nakavamo tona lako ri njumangu bagia Yudea bo lako ri ngata Yerusalem mangepe ia. Ira nompangaku dosa-dosara bo i Yohanes nombadiu ira ri Binangga Yordan, tandana najeamo ira lako ri dosara.

Lukas 1:16

Madea toYahudi rakenina mpanjili ka Tupura, Alatala.

Lukas 3:16

Nisani i Yohanes pompekirira. Jadi niulikana ira pura-pura, “Yaku mombadiu komiu ante uve, tandana najeamo komiu. Tapi da nariapa saito ngena meonga nelabipa kakuasaNa pade yaku. Naogepa Ia pade yaku sampe nau mombavole lui nu sapatuNa, ledo masipato yaku. Ia mombadiu komiu ante Nosa Gasa, bo apu.

Suro-Suro 1:5

Toramo! I Yohanes nombadiu tona ante uve, tandana ira najea lako ri dosara. Tapi bara sako-eopa komiu radiu ante Nosa Gasamo.”

Suro-Suro 11:16

Pade nitoraku tesa i Pue Yesus bara ipia ivei: ‘I Yohanes nombadiu tona ante uve, tapi komiu radiu ante Nosa Gasa nu Alatala!’

Suro-Suro 19:18

Nadea topomparasaya i Yesus najea bo nangaku ri ngayo ntodea poviara nadaa.

Suro-Suro 22:16

Jadi, nuapa vai nipopeamu? Peanggamo, dekeimo karomu radiu, tandana iko nangoseaka i Yesus. Pekakaimo nte i Yesus ala raampungiNa dosamu.’ ”

1 Korintus 10:2

Ira pura-pura nilenduti nu kulimu bo noliu rantasi, nangoseaka i Musa. Ivesia muni kita nidiu tandana kita topangoseaka i Yesus.

Kolose 2:12

Tempo kita nidiu tandana kita topangoseaka i Kristus, nireke kita namate bo nitana nosanggani-nggani ante i Kristus. Bo nireke muni kita nipakatuvu mpanjili nosanggani-nggani ante i Kristus, sabana kita nomparasaya kuasa nu Alatala anu nompakatuvu mpanjili i Kristus lako ri kamateNa.

Ibrani 6:2

Nee aga mombasili pepatuduki ada pediu, atau ada mombadika pale ri balengga ntona merapi belo ka ira. Nee aga mombasili pepatuduki matuvu mpanjili lako ri kamatea bara maipia atau pepatuduki pehuku sampe ri kasae-saena. Nee aga mombasili-sili pepatuduki pamulana haitu, kana ratambaipa!

Ibrani 9:10

Atura-atura haitu aga nosinggambela ante kandea, panginu bo mpengaya ada pediu. Atura-atura haitu aga nosinggambela ante karota, ledo nosinggambela ante rara ntaita, bo atura-atura haitu aga nipake sampe makava tempona Alatala movia pojanji nabaru.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

1 Petrus 3:21

Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.

1 Yohanes 1:9

Tapi ane kita mombanoa dosa-dosata ri ngayo nu Alatala, raampungiNa dosata bo rapakagasaNa rarata lako ri pura-pura anu nadaa. Apa ivesia nijanjiNa ka kita bo Ia namala rasarumaka mompakadupa pojanjiNa, bo movia anu nanoa.