Matius 3:5 - Kaili Ledo

⁵ Nadeamo tona nakava nte ia lako ri ngata Yerusalem bo njumangu bagia Yudea bo pura-pura bagia napara Binangga Yordan.

Matius 3:5 Iomraidhean Croise

Matius 2:1

I Yesus nipoanaka ri ngata Betlehem ri bagia Yudea. Tempo haitu Magau Herodes noparenta. Naupu pompoanaka i Yesus, nakavamo topande nanggita betue. Ira nakava lako ri mpandakena hau ri ngata Yerusalem,

Matius 4:25

Nadea mpuu tona nantuntuni Ia. Naria tona lako ri bagia Galilea, bagia Sapulu Ngata, ngata Yerusalem, bagia Yudea bo naria muni tona lako ri sambote Binangga Yordan.

Markus 1:5

Bo nakavamo tona lako ri njumangu bagia Yudea bo lako ri ngata Yerusalem mangepe ia. Ira nompangaku dosa-dosara bo i Yohanes nombadiu ira ri Binangga Yordan, tandana najeamo ira lako ri dosara.

Lukas 16:16

Atura-atura agama nidekei Nabi Musa ka kita, bo pepatuduki nu nabi-nabi ntanina rapake sampe peonga i Yohanes Topediu. Nompamula lako ri tempo i Yohanes haitu, Kareba Belo anu notesa Poparenta nu Alatala, nipatolele njuu. Bo tona nompasimbuku mpuu majadi todea nu Alatala.

Lukas 3:3

Jadi, haumo i Yohanes ri bagia napara Binangga Yordan, nompatolele tesa nu Alatala ka pura-pura tona hamai ivei: “Kajeamo lako ri dosa-dosamiu, bo dekeimo karomiu radiu, ala komiu raampungi nu Alatala.”

Lukas 3:7

Nadea tona neonga mekidiu nte i Yohanes. Niulikana ira, “Komiu noakala nasimbayu mpo ule! Nisarumakamiu ane komiu radiu, komiu ledo rapambela pehuku nu Alatala bara maipia! Haitu ledo nakana!

Yohanes 3:23

Tempo haitu i Yohanes Topediu dopa nisuaraka riara ntarunggu. Ia nombadiu tona ri ngata Ainon napara ngata Salim, sabana ri sia nadea uve. Bo ledo naupu-upu tona nakava nekidiu nte ia.

Yohanes 5:35

I Yohanes Topediu haitu nasimbayu mpo poindo nevangga bo nanggeni reme ka komiu. Bo komiu nadamba mpuu nangepe tesana. Tapi kadamba nu raramiu haitu aga sampalai.