Matius 3:16 - Kaili Ledo

¹⁶ Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Matius 3:16 Iomraidhean Croise

Markus 1:10

Tempo i Yesus neumba lako ri uve, kaliu-liu nikitaNa langi natebuka bo Nosa Gasa nu Alatala, nolenje mpo tonji banggebodo, nanau bo netuu nte Ia.

Yohanes 1:51

Bo niuli i Yesus ka pura-pura ira, “Pariaramo tesaKu hitu, rakitamiu langi matebuka bo malaeka-malaeka nu Alatala manau bo mompene ri ngayoKu, Ana nu Manusia.”

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Suro-Suro 7:56

Nanguli i Stefanus, “Peintamo! Nikitaku langi natebuka bo i Yesus, Ana nu Manusia neangga ri sabingga nggana nu Alatala ri suruga!”

1 Yohanes 5:6

I Yesus Kristus nakava ri dunia. Ia nidiu i Yohanes Topediu bo natitimo raaNa tempo Ia namate ri kayu salib. Ia ledo aga nidiu tapi Ia namate muni bo raaNa natiti. Nosa Gasa mboto nompakalanto ka kita i Yesusmo Ana nu Alatala. Bo anu niuli Nosa Gasa nakana mpuu.