Matius 3:14 - Kaili Ledo

¹⁴ Tapi i Yohanes madota mompoara perapiNa haitu. Niulina, “Kakanana yakumo anu masipato radiuMiu. Berimba sampe Komiu makava mekidiu nte yaku?”

Matius 3:14 Iomraidhean Croise

Matius 3:13

Tempo haitu nakavamo i Yesus lako ri bagia Galilea hau ri Binangga Yordan ala radiu i Yohanes.

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Lukas 1:43

Yaku mpuu-mpuu nibila nu Alatala, apa tina nTupuku nakava ri banuaku mboto.

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Roma 1:13

Sampesuvu-sampesuvu, kana rasanimiu nadea ngganimo yaku nonia tou mosinggava nte komiu tapi nasaro natelava sampe sii-sii. Patujuku mosinggava nte komiu ala madea komiu mangoseaka i Pue Yesus nasimbayu mpo anu najadi nte tona ledo toYahudi ri ngata ntanina.

Roma 3:23

Pura-pura manusia nadosa bo ledo masipato manggava bagia ri kaoge nu Alatala.

Roma 3:25

Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Ibrani 7:23

Bo naria sangayapa sabana i Yesus naogepa pade topanggeni pesomba lako ri valaa i Lewi. Tona lako ri valaa i Lewi anu najadi topanggeni pesomba kana madea, sabana ira kana mamate pura sampe ledo rapakulera mompapola pokarajaara.