Matius 26:3 - Kaili Ledo

³ Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Matius 26:3 Iomraidhean Croise

Matius 26:69

Tempo haitu i Petrus da nonturo ri savalikuna ri doyata banua haitu. Saito batua mombine anu nokarajaa ri banua Pakeni nTopanggeni Pesomba nanggaparai ia bo nanguli, “Iko muni roa i Yesus toGalilea haitu!”

Matius 27:27

Naupu sia tantara nu Gubernur nanggeni i Yesus hau ri tombi potangara riara Banua Gubernur bo nirondera pura-pura roara nasiromu nantagui i Yesus.

Markus 14:54

I Petrus netuntuni nggavao ri puri i Yesus bo todea sampe nesua riara doyata nu banua nu Pakeni nTopanggeni Pesomba. Nakava hamai, nonturomo ia nanderu nosanggani-nggani ante topojaga.

Markus 14:66

Tempo i Petrus da naria ri doyata nu banua haitu, nakavamo saito mombine. Mombine haitu batua Pakeni nTopanggeni Pesomba.

Markus 15:16

Tantara-tantara nanggeni i Yesus hau ri tombi potangara riara banua Gubernur Pilatus. Bo nirondera pura-pura roara masiromu.

Lukas 22:55

Ri doyata naria apu nipadumpu ntona rapanderu. Jadi haumo i Petrus nonturo nte topanderu haitu.

Lukas 3:2

I Hanas bo i Kayafas najadi Pakeni nTopanggeni Pesomba ntoYahudi. Tempo haitu muni i Yohanes, ana i Zakharia, nonturo ri karava bai. Alatala nangulika i Yohanes mompatolele tesaNa ka todea.

Yohanes 11:57

Tapi balengga-balengga ntopanggeni agama bo toFarisi lave niulira mami, “Isema-sema nangisani ponturo i Yesus, kana raulina ka kami ala Ia mamala rasaka!”

Yohanes 18:24

Naupu haitu, i Hanas nantudu tona manggeni i Yesus nitipunggura haitu hau nte i Kayafas anu najadi Pakeni nTopanggeni Pesomba mpae haitu.

Yohanes 18:28

Da bobayana ntoto, nikeniramo i Yesus lako ri banua i Kayafas hau ri banua nu Gubernur. Pakeni-pakeni ntoYahudi mboto ledo nesua riara banua Gubernur Pilatus haitu, sabana ira majadi maruto nangoseaka Atura-atura agamara, bo ledo mamala mangande kandea posusa Paskah ngena.