Matius 24:7 - Kaili Ledo

⁷ Apa tempo haitu tona sangata mosieva nte tosangatana, bo magau simbo magau mosieva muni. Ri umba-umba ri dunia maria kamate ara bo lingu-lingu.

Matius 24:7 Iomraidhean Croise

Lukas 21:11

Ri umba-umba ri dunia maria lingu mbaso bo ara mpai bo dua naronja. Ri langi maria kajadia mepakaeka bo tanda-tanda ledo nasaro nikita.

Suro-Suro 11:28

Saito ira nosanga i Agabus. Ia neangga ri tatangara bo ante pekeniaka Nosa Gasa nu Alatala, niulina kana majadi ara mpai ri njumangu dunia. (Ara mpai haitu mpuu-mpuu najadi tempo i Klaudius najadi Magau Mbaso).

Suro-Suro 2:19

Kupopakita ka komiu kabaraka-kabaraka ri langi bo tanda-tanda nipokumaaka ri dunia. Maria raa bo apu bo unu nu apu.

Ibrani 12:27

TesaNa “sangganipa” haitu, batuana, pura-pura anu nipajadiNa kana ragoyaNa bo rapakalipoNa ala aga anu ledo nogoya maboli.

Pompakita 6:12

Naupu sia, nikitaku Ana Bimba nombabuka populu kaaonona. NibukaNapa, nalingu mbasomo bo mata nu eo najadi navuri mpo karu vuri. Bo bula najadi nalei njumangu mpo raa.

Pompakita 6:5

Naupu haitu Ana Bimba nombabuka populu katataluna. Bo niepeku Anu Natuvu katataluna nanguli, “Kamaimo!” Nipeintaku, naria munimo sangu jara navuri buluna, bo topesavi jara haitu nanggangisi daci potimba tandana mapepa kandea.

Pompakita 6:6

Naupu haitu niepeku suara lako ri olo ampa Anu Natuvu pangane nanguli, “Ali nu gando salite nasimbayu nte gaji saeo, bo ali labu nu ose talu-lite nasimbayu muni nte gaji saeo. Aga nee rapakagero talua zaitun bo talua anggur!”

Pompakita 6:8

Naliu haitu nikitaku sangu jara navaa buluna! Topesavi jara haitu nosanga “Kamatea.” Bo anu netuntuni ri purina nosanga “Ponturo Ntomate.” Ira randua haitu nidekeika kuasa mombabagi ampa pura-pura manusia ri dunia bo mompatesi sabagia. Naria sanu namate tempo posieva, naria sanu namate tempo nu ara, naria sanu namate tempo dua timboro, bo naria muni sanu namate nikande binata-binata nasingi ri dunia.