Matius 24:5 - Kaili Ledo

⁵ Apa madea tona makava mompobalu sangaKu. Raulira, iramo Magau Topepakasalama anu nijanji nu Alatala! Bo madea tona rabagiura.

Matius 24:5 Iomraidhean Croise

Matius 24:11

Bo madea nabi mpodava meumba bo madea tona rabagiura.

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Yohanes 5:43

Yaku nakava nte komiu ante kuasa nTuamaKu tapi komiu ledo nadota nantarima Yaku. Ane tona ntanina nakava nte komiu ante kuasana mboto, tona haitumo nitarimamiu.

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

1 Yohanes 2:18

Sampesuvu-sampesuvu nipotoveku, naparamo kaupu dunia. Niepemiumo bara ipia, kana meonga saito anu niuli Bali i Kristus. Bo sii-sii nadeamo tona neumba nobali ka i Kristus. Haitu tandana naparamo kaupu dunia.

1 Yohanes 2:22

Jadi, isema-sema nanguli i Yesus ledo Magau Topepakasalama anu nijanji nu Alatala, iamo mai topodava. Ia munimo bali i Kristus, apa nisapuna Alatala bo AnaNa.

1 Yohanes 4:3

Tapi isema-sema ledo nomparasaya i Yesus nakava ri dunia najadi manusia, tona haitu ledo naria Nosa Gasa nu Alatala nte ia. Tona haitu nikuasai pekiri lako ri Bali i Kristus. Niepemiumo Bali i Kristus makava, bo hitupa nariamo ia riara dunia.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.