Matius 24:10 - Kaili Ledo

¹⁰ Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira.

Matius 24:10 Iomraidhean Croise

Matius 10:21

Makava tempona maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria muni totua mombadekei anana mboto rapatesi. Bo ngana-ngana mangeva tina tuamara mboto bo mombadekei ira rapatesi.

Matius 11:6

Nabelo mpuu tona ledo noura nomparasaya Yaku.”

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Matius 13:57

Bo naduamo rarara nanggita Ia bo nipoarara pepatudukiNa. Tapi nanguli i Yesus ka ira, “Saito nabi nibila ntona ri umba-umba ngata rakalauna, tapi ri ngatana mboto bara ri banuaNa mboto ia ledo nibila.”

Matius 24:11

Bo madea nabi mpodava meumba bo madea tona rabagiura.

Markus 13:12

Bo tempona haitu muni maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria totua mombadekei anana mboto rapatesi. Ngana-ngana mangeva tina tuamara mboto bo mombadekei ira rapatesi.

Markus 4:17

Tapi ledo naroso pomparasayara, nasimbayu mpo tuda-tuda ledo naroso pokalena. Tempo ira nipandasa bara nipakasusa sabana nomparasaya Tesa haitu, kaliu-liu nouramo rarara.

Lukas 21:16

Tempona haitu nau tina tuamamiu, sampesuvu sararamiu bo roamiu mompobalu komiu ka balimiu. Maria sanu komiu rapatesira.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

2 Timotius 4:16

Tempo parakaraku nitangara paratama, ledo ria saitoa nombatulungi yaku; nepalaika puramo roa. Kuperapi Tupu ledo mombareke salara haitu.