Matius 22:5 - Kaili Ledo

⁵ Tapi tona nigaga ledo ntoto nipeilira pegaga haitu. Ira aga hau nantui bagora mboto. Naria hau ri taluana bo naria hau nombaurusi pogadena,

Matius 22:5 Iomraidhean Croise

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 22:4

Jadi magau nombatudu batua-batua ntanina ante tevai ivei: ‘Koi ulika ira nigagaku, nasadia puramo. Japi bo ana-ana japi toboyana naupumo nisambale, bo nasadia puramo. Kamaimo tumai ri posusa!’

Matius 22:6

roara ntanina aga nosaka batua-batua nitudu nu magau haitu pade nibobara bo nipatesira.

Yohanes 2:16

Bo niulikaNa topobalu tonji banggebodo haitu, “Keni haumo pura-pura anu tutu lako ri sii! Banua nTuamaKu nee rapajadi banua pogade!”

Suro-Suro 2:13

Tapi naria muni tona ntanina hamai aga nepongei-ngeika. Ira nanguli, “Ah, tona haitu, bara nalangu!”

Suro-Suro 24:25

I Paulus nanguli pokaingguta kana manoa, bo kita ledo mamala mangoseaka dota rarata nadaa, apa makava Eo Potangara ngena tempo Alatala mombatangara pura-pura manusia. Nangepe tesa i Paulus, naeka mpuumo i Feliks. Nanguli ia, “Ivesiamo ruru. Ane maria loga damo kupokio pade motesa vai kita.”

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

Roma 8:6

Ane pekirira nikuasai dota rara nadaa, ira mamate bo rapopogaa lako nte Alatala. Tapi ane pekirira nikuasai nu Nosa Gasa nu Alatala, ira matuvu mabelo bo mosinggabelo ante Alatala.

2 Timotius 3:4

Ira aga mombaakalani roa, ledo ria rekera, bo pangulira iramo tona nataupa. Ledo rapotovera Alatala, aga kasana karora mboto rapotovera.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.