Matius 22:4 - Kaili Ledo

⁴ Jadi magau nombatudu batua-batua ntanina ante tevai ivei: ‘Koi ulika ira nigagaku, nasadia puramo. Japi bo ana-ana japi toboyana naupumo nisambale, bo nasadia puramo. Kamaimo tumai ri posusa!’

Matius 22:4 Iomraidhean Croise

Matius 21:36

Jadi tupu ntalua nombatudu batua ntanina hau nte topokarajaa taluana. Nadeapa ira haitu pade ira pamulana, tapi ira muni nipovia ntopokarajaa talua nasimbayu mpo batua-batua pamulana.

Matius 22:5

Tapi tona nigaga ledo ntoto nipeilira pegaga haitu. Ira aga hau nantui bagora mboto. Naria hau ri taluana bo naria hau nombaurusi pogadena,

Matius 22:8

Naliutaka haitu nipokiona vai batua-batuana bo nanguli ka ira, ‘Nasadiamo posusa poboti, tapi tona nigagaku ledo masipato makava.

Lukas 14:17

Tempo nasadiamo posusa, nituduna batuana hau mangulika tona nigagana ivei: ‘Kamaimo, nasadia puramo!’

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.