Matius 22:11 - Kaili Ledo

¹¹ Bo nesuamo magau manggita torata-torata. Ri tatanga ntorata hamai nikitana saito tona ledo nompake pakea posusa.

Matius 22:11 Iomraidhean Croise

Matius 13:30

Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 22:10

Jadi haumo batua-batuana mompasiromu pura-pura tona raposinggavakara ri dala-dala jama, tona nabelo, bo tona nadaa sampe naponu pura banua posusa haitu ante torata.

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Roma 13:14

Tapi kita kana mompasiala pokainggu i Pue Yesus Kristus. Haitumo pareva posieva rapasuata. Bo nee rapaloga karomiu mangoseaka dota raramiu nadaa.

Roma 3:22

Haitumo, Alatala mombareke kita nanoa ane kita nomparasaya i Yesus Kristus. Isema-sema nomparasaya i Kristus, tantu rareke nu Alatala nanoa, sabana Alatala ledo nompelenje.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

2 Korintus 5:3

Apa ane rakavata karo nabaru haitu, nirapaka kita nompasua baju ala domo movuloa.

Galatia 3:27

Komiu pura-pura nidiu, tandana komiu topangoseaka i Kristus, bo nipasialamiumo inggu-inggu i Kristus.

Efesus 4:24

Komiu kana matuvu mpo manusia nabaru anu nipajadi nu Alatala nangoseaka ingguNa mboto anu nanoa bo mpuu-mpuu nagasa.

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

Pompakita 19:8

Ia nidekeika pakea mputi nalusu nenggila rapakena.” (Pakea nalusu nidekei ka mombine haitu nirapaka pokainggu-pokainggu nanoa anu nipovia ntodea nu Alatala.)

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.