Matius 20:4 - Kaili Ledo

⁴ Niulina ka ira, ‘Koimo komiu mokarajaa ri taluaku ria, damo kubayari gaji masipato ka komiu.’ Jadi hau mpuumo ira nokarajaa.

Matius 20:4 Iomraidhean Croise

Matius 20:3

Tinti sasio mpadondona, hau vaimo tupu ntalua mangelo topokarajaa hanupa. Nikitana bara sako-ndua tona ri potomu aga nonturo-nturo bayangi.

Matius 20:5

Tinti sapulu randua hau vai tupu ntalua haitu mangelo topokarajaa hanupa. Niulina ka ira nasimbayu eva niulina ka tona pangane. Bo ivesia muni nipoviana tinti tatalu nggoviana.

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Kolose 4:1

Sampesuvu-sampesuvu anu najadi tua. Komiu kana mokainggu masipato bo manoa nte batua-batuamiu. Toramo, komiu muni naria Tupumiu ri suruga!

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.