Matius 2:9 - Kaili Ledo

⁹ Naupupa nangepe tesa magau haitu, nalaimo ira. Bo betue nipeintara ri mpandakena nokolu ka ira sampe nenonto ri toto nu banua niponturo nu ngana kodi haitu.

Matius 2:9 Iomraidhean Croise

Matius 2:10

Tempo nikitara betue haitu, nadamba mpuumo rarara.

Matius 2:2

bo nekutanamo ira, “Ri umba Ia, anu majadi Magau ntoYahudi, anu dako nipoanaka? Nikita kami betueNa nebonda ri mpandakena bo kami nakava mombasomba Ia.”

Matius 2:8

Naupu haitu nitudunamo ira hau ri ngata Betlehem. Niulikana ira, “Koimo komiu hau ri ngata haitu bo elo pakabelo-belo ngana haitu. Bo ane rakavamiu ia, uli ka yaku, ala yaku muni hau mombasomba Ia.”

2 Petrus 1:19

Naupu nikita kami anu najadi ri bulu haitu, nalanto mpuumo ka kami tesa nipasimbayu nu nabi-nabi nu Alatala nggaulu mpuu-mpuu nakana. Nabelo mpuu ane rapariaramiu tesa nu nabi-nabi haitu, sabana tesara nasimbayu mpo poindo nombavanta kalandana. Pariaramo tesara haitu sampe i Yesus makava mpanjili ri dunia mombavanta komiu ante remeNa, nasimbayu mpo eo bo betue pompaeo nebonda nombavanta dunia.