Matius 2:13 - Kaili Ledo

¹³ Nalaipa tona lako ri mpandakena, nakavamo saito malaeka nTupu riara pangipi i Yusuf bo nanguli, “Pembangumo, kenimo ngana ntali tina haitu masalisa hau ri tana Mesir, sabana Magau Herodes mangelo ngana haitu rapatesina. Ponturomo hamai sampe yaku makava vai nte iko.”

Matius 2:13 Iomraidhean Croise

Matius 1:20

Tempo i Yusuf da nompekiri patujuna haitu, malaeka nTupu nakava riara pangipina bo nanguli ka ia, “Yusuf, muli i Daud, nee makini raramu mompoberei i Maria, sabana ngana nikatianakana najadi lako ri kuasa Nosa Gasa nu Alatala.

Matius 10:23

Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.

Matius 2:12

Naupu haitu, Alatala nompopainga ira riara pangipira, ala nee manjili hau nte Magau Herodes. Jadi nalaimo ira hau manjili ri ngatara mboto nangoseaka dala ntanina.

Matius 2:14

Jadi nembangumo i Yusuf bo bongi haitu nikenina ngana ntali tina nalai hau ri tana Mesir.

Matius 2:16

Nisani Magau Herodespa ia niakalani ntopande nanggita betue haitu, nagigi mpuumo rarana. Bo nituduna tantarana hau mompatesi pura-pura ngana langgai noumuru rompae bo anu dopa nagana rompae ri ngata Betlehem bo ri ngata-ngata ri sinjorina. Umuru nu ngana nipatesi nangoseaka kasaena peonga betue nipeinta ntopande nanggita betue pangane.

Matius 2:22

Tapi niepenapa i Arkelaus, ana Magau Herodes nanjambei tuamana nomparenta bagia Yudea, naekamo rarana mapola. Alatala notesa vai ka ia riara pangipina, jadipa napolamo ira hau ri bagia Galilea.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 10:7

Naupu haitu, nalaimo malaeka. I Kornelius nompokio randua topokarajaa lako riara nu banuana. Nipokiona muni saito tantara niparasayana, anu netupu nte i Alatala muni.

Suro-Suro 12:11

Ri sia nanotomo rara i Petrus bo niulina, “Hitupa nisanikumo ledo aga pangipi! Tupu mpuu nombatudu malaekaNa mombakabasaka yaku lako ri kuasa Magau Herodes bo lako ri pura-pura anu rapovia ntoYahudi ka yaku.”

Suro-Suro 12:7

Sampesanika neongamo malaeka nTupu neangga ri sia, bo reme nevanta riara ntombi nu tarunggu haitu. Malaeka haitu nombagoya-goya karo i Petrus bo nilikena. Nanguli malaeka, “Pembangumo masalisa!” Kaliu-liu nakabasaka mbotomo rante ase lako ri pale i Petrus.

Suro-Suro 16:36

Nangepe haitu topojaga tarunggu nanguli ka i Paulus, “Topomparenta ri ngata nomparenta yaku mombakabasaka komiu. Jadi hitupa komiu mamala manjili. Pakabelo-belo ri dala.”

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Suro-Suro 7:19

Magau haitu nadaa mpuu nompandasa totua-totuata bo nombabagiu ira. Niparentana ala ngana-ngana dako nesuvu kana ratedakara ala mamate pura.

Pompakita 12:14

Tapi mombine haitu nidekeika randua kapi nambaso mpo kapi ntonji love ala ia mamala mevoro hau ri ponturo nipakasadia ka ia ri karava bai. Hamai ia rapiara talu-mpae santanga kasaena, bo ia ralenduti ala ledo mamala rakuyasi nu ule naga haitu.

Pompakita 12:4

Lelo nu ule naga haitu nangumbunjai sabagia lako ri tatalu bagia betue ri langi, bo nitedakana ri tana. Ia neangga ri ngayo nu mombine ranja mpoana haitu. Patujuna mangome ana nu mombine haitu mesuvu.

Pompakita 12:6

Naupu haitu nalaimo mombine hau ri karava bai. Ri sia ia nonturo ri ponturo nipakasadia nu Alatala mamimo ka ia. Ri ponturo haitu ia nipiara talu-mpae santanga kasaena.