Matius 19:9 - Kaili Ledo

⁹ Jadi epemo tesaKu hitu. Isema mogaaka bereina mombine anu ledo ria nosipogau nte langgai ntanina, bo mompoberei mombine ntanina, ia nobualo.”

Matius 19:9 Iomraidhean Croise

Matius 19:10

Naupu haitu ana-anaguru i Yesus nanguli ka Ia, “Ane ivesia kasusana atura poberei, aginapa ledo moberei!”

Matius 19:8

Nesana i Yesus, “I Musa nompaloga komiu mogaaka bereimiu sabana komiu nakaja nipangajari. Tapi ri lamba pamulana ledo ivesia.

Matius 5:32

Tapi Kuuli ka komiu, ane komiu mompogaaka bereimiu mombine, tano ledo ria ia nosipogau nte langgai ntanina, batuana komiu nompopobualo ia. Bo isema-sema mompoberei mombine nipogaaka haitu, ia muni nobualo.”

Lukas 16:18

Pade nanguli munimo i Yesus, “Isema-sema langgai nompogaaka bereina pade noberei nte mombine ntanina, ia nobualo. Bo tona nompoberei mombine nipogaaka, ia muni nobualo.”

1 Korintus 5:1

Niepeku lelena naria saito komiu nokainggu nabuga ntoto. Ia nompogau berei ntuamana mboto. Iyapa tona ledo nomparasaya Alatala, ledo nokainggu nadaa ivehaitu!

1 Korintus 7:39

Mombine anu nobereimo nikingisi nu ada poberei ane bereina langgai da natuvu. Tapi ane bereina langgai namatemo ia mamala rapoberei nu langgai ntanina anu nipokonona. Tapi ia kana moberei ante langgai anu nomparasaya i Pue Yesus.

1 Korintus 7:4

Sabana ledo aga berei mombine nakuasa mompakatantu nuapa rapovia ri karona mboto, tapi bereina langgai muni. Bo ivesia muni ledo aga berei langgai nakuasa mompakatantu nuapa rapovia ri karona mboto, tapi bereina mombine muni.