Matius 18:16 - Kaili Ledo

¹⁶ Tapi ane ledo madota ia mantarima tesamiu, keni saito atau randua tona ntanina majadi sabi ntesamiu ante ia. Povia ivesia sabana riara Buku Gasa nitulisi ivei: ‘Ane maria tona rapangadu, kana maria randua atau tatalu sabi ala malanto ia mpuu-mpuu nasala.’ Ulangan 19:15

Matius 18:16 Iomraidhean Croise

Yohanes 8:17

Riara Atura-atura agama naria nitulisi ivei: ‘Ane maria randua sabi masimbayu tesara riara potangara, tesara namala raparasaya.’

2 Korintus 13:1

Katalu-ngganikana hitu yaku makava nte komiu. Tempo yaku ri situ nte komiu karongganina bara ipia, nipopatoraku ka ira topovia dosa bo ka pura-pura tona ntanina, tumo rapovia dosa. Jadi hitupa nau yaku ledo ri situ nte komiu, kupopatora mpanjili ka komiu: tumo mpuu movia dosa! Riara Buku Gasa niuli ane maria tona nirai, kana maria randua atau tatalu sabi ala rasani kakanana, bara nasala ia bara ledo. Maupu sia pade mamala rahuku. Ane makava ri situ yaku bo komiu dopa nenonto novia nadaa, domo maasi mataku nanggita komiu tapi kuhuku mpuu!

1 Timotius 5:19

Ane maria pakeni ntodea topomparasaya nirai ntona, nee mutarima ane ledo maria randua bara tatalu sabi mompakakana perai haitu.

Ibrani 10:28

Isema-sema nombasapuaka Atura-atura agama nipapola Nabi Musa nggaulu, ane naria randua bara tatalu sabi nanguli ia nasala, ia nihuku mate bo ledo ria ampu.

Pompakita 11:3

Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”