Matius 18:12 - Kaili Ledo

¹² “Berimba panggavamiu? Rapana naria tona nompiara bimbana saatu anguna bo naria sangu nasalandala sampe nalipo. Nuapa rapoviana? Natantumo rapalaisina bimbana siopulu bo sasio ri bulu bo hau raelona sangu bimbana nalipo haitu.

Matius 18:12 Iomraidhean Croise

Matius 12:11

Nesana i Yesus, “Ane rapana maria bimbamiu manavu ralovu ri eo penonto, nuapa rapoviamiu? Natantu rasoreakamiu ri eo haitu muni!

Matius 18:13

Pariaramo tesaKu hitu! Ane rakavana mpanjili bimbana haitu, madambapa ia manggita sangu bimbana haitu pade manggita siopulu bo sasio bimbana anu ledo nalipo.

Matius 21:28

I Yesus nompekutana pakeni ntoYahudi, “Berimba panggavamiu? Naria saito tuama, randua anana langgai. Nanguli ia ka anana lumbua, ‘Anaku, koimo iko mokarajaa ri talua.’

Matius 22:42

“Berimba panggavamiu? Muli isema Magau Topepakasalama anu nijanji nu Alatala nggaulu?” Nesana ira, “Muli Magau Daud nggaulu.”

1 Korintus 10:15

Komiu tona napande, jadi coba taseremiu mboto tesaku hitu bara nakana bara ledo.

1 Petrus 2:25

Tempo bara ipia, komiu mpo bimba-bimba nasalandalamo. Tapi sii-sii komiu nipopanjilimo nte Topoevu anu nombajagai katuvumiu.