Matius 17:9 - Kaili Ledo

⁹ Notua lako ri buluna haitu, i Yesus nombatagi ira, “Ane Yaku, Ana nu Manusia dopa rapakatuvu mpanjili lako ri kamateKu, nepa ratesamiu ruru ka tona anu dako nikitamiu pangane.”

Matius 17:9 Iomraidhean Croise

Matius 12:16

Bo niulikaNa ira, “Nee ntoto ratesamiu ka tona ntanina anu nipoviaKu ka komiu.

Matius 17:12

Tapi Kuuli ka komiu, nakavamo Nabi Elia, aga ledo nisanira isema ia. Ira aga nangeva bo nompakadaa ia. Bo ivesia muni rapandasara Yaku, Ana nu Manusia.”

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Matius 17:22

Tempo i Yesus bo anaguruNa nosanggani-nggani ri bagia Galilea, nanguli Ia ka ira, “Domo masae, Yaku, Ana nu Manusia, radekei riara kuasa manusia nadaa,

Matius 17:23

bo rapatesira. Tapi ri eo katataluna Yaku rapakatuvu mpanjili.” Nangepe tesaNa haitu, nasusa mpuumo rara anaguruNa pura-pura.

Matius 17:8

Nitingoara, nikitara aga i Yesus saitoNa. Ledo ria tona ntanina.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Matius 8:4

Bo nanguli i Yesus ka ia, “Nee mutesa ka tona anu najadi ri karomu. Tapi koimo hau nte topanggeni pesomba bo popakitamo karomu ka ia ala rakitana nabelomo karomu. Bo dekeimo pesombamu ka Alatala, nangoseaka parenta Nabi Musa ala mompopakita ka todea iko mpuu-mpuu nabelomo.”

Markus 8:30

Nangepe pesana haitu, nangulimo i Yesus, <>

Lukas 8:56

Nanggita kajadia haitu nokumaa mpuu tina tuamana. I Yesus nombatagi ira, “Nee ratesa ka tona ntanina anu najadi ri sii.”

Lukas 9:36

Nalino suara haitu, nikitara damo i Yesus saitoNa ri sia. Tesa niepera haitu nipariarara bo anu nikitara ledo kaliu-liu nitesara ka tona ntanina.