Matius 17:2 - Kaili Ledo

² Tempo ira hamai, nabalimo lenje i Yesus ri ngayora. LenjeNa nareme mpuu eva kareme nu mata eo, bo bajuNa nabula damo nenggila.

Matius 17:2 Iomraidhean Croise

Matius 17:1

Ono-mbongi kaliuna haitu, i Yesus nanggeni i Petrus, i Yakobus ante tueina i Yohanes hau nantende bulu nalanga. Aga i Yesus ante ira tatalu naria hamai.

Matius 17:3

Sampesanika nikita nu anaguru i Yesus haitu randua nabi nggaulu notesa nte i Yesus. Nabi randua haitu i Musa bo i Elia.

Matius 28:3

Lenjena nenggila mpo kila, pakeana naputi mpuu.

Markus 9:3

PakeaNa naramputi bo nenggila. Ledo ria saitoa tona ri dunia mamala mompakaputi mpo kaputi bajuNa haitu.

Lukas 9:29

Da nosambaya i Yesus, nabalimo lenjeNa bo bajuNa najadi naramputi bo nenggila.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

Pompakita 10:1

Naupu haitu nikitaku malaeka ntanina anu naroso mpuu nanau lako ri suruga. Ia nibungu kulimu bo balenggana nilili ntirauve. Lenjena mpo kareme nu eo bo kadana mpo tinja, nenjela mpo vaya nu apu.

Pompakita 20:11

Naupu haitu nikitaku sangu Gadera Kamagaua nabula bo nambaso. Bo nikitaku muni Toponturo ri Gadera haitu. Nariapa Ia ri sia, nalipo singganimo dunia, bo domo naria nikita.