Matius 17:12 - Kaili Ledo

¹² Tapi Kuuli ka komiu, nakavamo Nabi Elia, aga ledo nisanira isema ia. Ira aga nangeva bo nompakadaa ia. Bo ivesia muni rapandasara Yaku, Ana nu Manusia.”

Matius 17:12 Iomraidhean Croise

Matius 11:2

Tempo haitu i Yohanes Topediu nitarunggu. Ri tarunggu niepena lelena mpengaya-ngaya anu nipovia i Kristus. Jadi nituduna bara sako-ndua anaguruna hau mompekutana nte i Yesus ivei:

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 17:11

Nesana i Yesus, “Nakana tesara haitu. Nabi Elia kana mokolu makava apa iamo mompakasadia pura-pura.

Matius 17:13

Lako rahaitu pade nisani anaguruNa Ia nombatesaki i Yohanes Topediu.

Matius 17:22

Tempo i Yesus bo anaguruNa nosanggani-nggani ri bagia Galilea, nanguli Ia ka ira, “Domo masae, Yaku, Ana nu Manusia, radekei riara kuasa manusia nadaa,

Matius 17:9

Notua lako ri buluna haitu, i Yesus nombatagi ira, “Ane Yaku, Ana nu Manusia dopa rapakatuvu mpanjili lako ri kamateKu, nepa ratesamiu ruru ka tona anu dako nikitamiu pangane.”

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Lukas 7:33

Ivesia muni najadi nte kami bo i Yohanes. I Yohanes nakava, nopuasa ledo nangande, bo ledo muni nanginu uve anggur, bo niulimiu ia nipesua nu seta!

Yohanes 1:11

Ia nakava ri ngataNa mboto, tapi tona ri ngataNa haitu ledo nadota nantarima Ia.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 4:10

Jadi ala rasanimiu bo ala rasani nu sampesuvuta toIsrael pura muni, kami manguli ka komiu, tona hitu nipakabelomo bo ia neangga ri ngayomiu pura-pura sabana kuasa lako nte i Yesus Kristus toNazaret. Komiu nombapaku i Yesus ri kayu salib sampe namate, tapi Alatala nompakatuvu Ia mpanjili.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!