Matius 17:1 - Kaili Ledo

¹ Ono-mbongi kaliuna haitu, i Yesus nanggeni i Petrus, i Yakobus ante tueina i Yohanes hau nantende bulu nalanga. Aga i Yesus ante ira tatalu naria hamai.

Matius 17:1 Iomraidhean Croise

Matius 17:2

Tempo ira hamai, nabalimo lenje i Yesus ri ngayora. LenjeNa nareme mpuu eva kareme nu mata eo, bo bajuNa nabula damo nenggila.

Matius 26:37

NikeniNa i Petrus bo randua ana i Zebedeus nosanggani nte Ia. Hamai nompamulamo i Yesus nasusa bo napari raraNa.

Markus 13:3

I Yesus nonturo ri Bulu Zaitun nosintingayoka Banua nu Alatala. Tempo haitu i Petrus, i Yakobus, i Yohanes bo i Andreas nekutana nte Ia nggalino-lino,

Markus 5:37

Bo ledo nidekei i Yesus tona dea mantuntuni Ia hau ri banua i Yairus. Aga i Petrus, i Yakobus bo i Yohanes nidekeiNa hau mosanggani nte Ia.

Lukas 8:51

Nakava ira ri banua i Yairus, ledo nidekei i Yesus sambara tona mesua riarana mosanggani nte Ia. Aga i Petrus, i Yohanes, bo i Yakobus ante tina tuama nu ngana haitu nidekeiNa mesua mosanggani ante Ia.

2 Korintus 13:1

Katalu-ngganikana hitu yaku makava nte komiu. Tempo yaku ri situ nte komiu karongganina bara ipia, nipopatoraku ka ira topovia dosa bo ka pura-pura tona ntanina, tumo rapovia dosa. Jadi hitupa nau yaku ledo ri situ nte komiu, kupopatora mpanjili ka komiu: tumo mpuu movia dosa! Riara Buku Gasa niuli ane maria tona nirai, kana maria randua atau tatalu sabi ala rasani kakanana, bara nasala ia bara ledo. Maupu sia pade mamala rahuku. Ane makava ri situ yaku bo komiu dopa nenonto novia nadaa, domo maasi mataku nanggita komiu tapi kuhuku mpuu!

2 Petrus 1:16

Kami nompatuduki ka komiu kuasa nTuputa Yesus Kristus bo kakavaNa mpanjili ri dunia hitu. Pepatuduki kami haitu ledo nangoseaka patesa-patesa nipovia nu manusia. Tapi kami mboto nanggita kaogeNa anu nipokumaaka.

2 Petrus 1:18

Kami mboto nangepe suara lako ri suruga tempona kami nosanggani-nggani ante i Yesus ri bavo nu bulu nagasa.