Matius 16:4 - Kaili Ledo

⁴ Nadaa mpuu komiu natuvu sii-sii! Komiu ledo natutu nangoseaka Alatala. Komiu nerapi ala Kupovia tanda rapokumaaka ntona. Tapi ledo ria sangua tanda rapopakita ka komiu, aga tanda eva anu najadi nte Nabi Yunus nggaulu.” Naupu haitu, nipalaisiNamo ira.

Matius 16:4 Iomraidhean Croise

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Matius 16:5

Tempo ana-anaguruNa hau ri sambote rano, nalinga rarara manggeni baku.

Markus 8:12

Nasau rara i Yesus nangepe perapira, jadi nosuu nosaNa bo nanguli, <>

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Suro-Suro 18:6

Tapi aga nievara bo nisalaira i Paulus. Jadi i Paulus nombavurenggenaka pakeana, tandana ia mompalaisi ira sabana nipoarara tesana. Niulina, “Ane komiu rahuku nu Alatala, salamiu mboto, ledo salaku! Mompamula sii-sii yaku hau mompatolele Tesa nu Alatala ka tona ledo toYahudi!”

Suro-Suro 2:40

Ledo aga ivesia tesa i Petrus, tapi ante nadea tesa-tesa ntanina nipatudukina bo nipaingana todea. Niulikana ira, “Kajeamo bo rapakasalama, ala komiu ledo rapambela pehuku nu Alatala anu rapambela ka tona nadaa ri ngata hitu anu nompatesi i Yesus!”