Matius 15:3 - Kaili Ledo

³ Nesana i Yesus, “Nakuya komiu mboto nombaliunaka parenta-parenta nu Alatala bo aga nangoseaka ada-ada ntotuamiu nggaulu?

Matius 15:3 Iomraidhean Croise

Matius 15:2

“Nakuya anaguruMiu nombaliunaka ada-ada ntotuata nggaulu? Tempo nangande, ira ledo nemanjo ntani ruru nangoseaka ada-adata!”

Matius 15:4

Alatala nanguli, ‘Bilamo tina-tuamamu’, bo niuliNa muni, ‘isema-sema nanjalai tuamana bara tinana, ia kana rahuku mate.’

Markus 7:13

Ante pepatuduki ivehaitu, domo niparibavomiu Tesa nu Alatala, damo aga ada-adamiu nioseakamiu. Bo da nadeapa muni anu ntanina ivehaitu nipoviamiu.>>

Kolose 2:23

Atura-atura haitu nabelo mpuu ri panggita nu manusia, sabana topangoseaka atura-atura haitu nikita mpo tona natutu mpuu noagama; nipakaedera rarara bo nioseakara atura-atura anu nompandasa karora mboto. Tapi kakanana atura-atura haitu ledo ria gunana, sabana ledo nantulungi kita menonto novia anu nipodota rarata nadaa.

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.

Titus 1:14

Ulika ira tumo raparasayara tutura-tutura ntoYahudi anu nikarara mboto, bo nee mangoseaka atura-atura nipovia manusia anu nombasapuaka pepatuduki nakana.