Matius 15:10 - Kaili Ledo

¹⁰ Naupu haitu, i Yesus nompokio todea bo nanguli ka ira, “Epemo ala rasanimiu.

Matius 15:10 Iomraidhean Croise

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 15:11

Anu nesua ri sumba ledo mompakaruto manusia ri panggita nu Alatala. Tapi anu nesuvu lako ri sumba, haitumo anu nompakaruto manusia ri panggita nu Alatala!”

Matius 15:9

Ledo ntoto ria gunana ira mombasomba Yaku sabana pepatuduki anu nipepatudukikara niulira Atura-aturaKu, tano aga ada-ada nu manusia.’ ” Yesaya 29:13

Matius 24:15

I Yesus nompapola pepatudukiNa ka anaguruNa ivei: “Nabi Daniel nggaulu nombaboto ‘Toperopu anu Nompakarunggu rara nu Alatala.’ (Topombaca tesa hitu kana pariaramo batuana!) Ane rakitamiu anu niboto Nabi Daniel haitu neangga ri Banua nu Alatala,

Lukas 24:45

NipakanotoNa pekirira ala rapakulera mombapaha isi Buku Gasa.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Yakobus 1:5

Ane makura noto pompekirimiu, perapimo lako nte Alatala. Bo radekeiNa pompekiri nanoto niperapimiu, sabana najoi raraNa nombadekei noto ka pura-pura tona. Ledo ntoto natove raraNa.