Matius 13:8 - Kaili Ledo

⁸ Bo naria muni savua nanavu ri tana naboya. Savua haitu natuvu sampe novua. Naria saatu-nggani kadeana, naria onopulu-nggani, bo naria muni talupulu-nggani kadeana.

Matius 13:8 Iomraidhean Croise

Matius 13:23

Tapi savua nanavu ri tana naboya nirapaka tona nangepe Tesa nu Alatala bo nipariarara sampe naria mpuu-mpuu asele riara nggatuvura. Naria sanu aselena saatu-nggani kadeana, naria onopulu-nggani kadeana bo naria talupulu-nggani kadeana.”

Matius 13:7

Naria muni savua nanavu ranggarui. Karui natuvu sanggani-nggani nte savua. Nasae-sae, karui nangupisi savua haitu sampe namate.

Markus 4:20

Savua nanavu ri tana naboya nirapaka tona anu nangepe Tesa nu Alatala bo nantarima Tesa haitu. Kaupuna naria asele lako ri Tesa haitu riara nggatuvura, naria sanu talupulu-nggani kadeana, naria onopulu-nggani kadeana bo naria sanupa saatu-nggani kadeana.>>

Markus 4:8

Bo naria muni sanu savua nanavu ri tana naboya. Savua haitu natuvu sampe nambaso bo novua nabelo. Savua haitu novua talupulu-nggani kadeana, naria sanu onopulu-nggani bo naria muni sanu saatu-nggani kadeana vuana.>>

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Lukas 8:8

Bo naria muni savua nanavu ri tana naboya, bo nabelo mpuu katuvuna sampe vuana saatu-nggani kadeana.” Naupu notesa ivehaitu, nangulimo i Yesus, “Isema-sema naria talingana, pariaramo porapa hitu!”

Yohanes 15:8

Ane komiu movua madea, natantu komiu mpuu-mpuu anaguruKu. Bo poviamiu haitu mompopakita kaoge nTuamaKu ka tona.

Roma 7:18

Nisaniku ledo ria anu nabelo riara ntaiku, apa yaku manusia nadosa. Yaku madota mokainggu mabelo, tapi ledo nipakuleku.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.