Matius 13:7 - Kaili Ledo

⁷ Naria muni savua nanavu ranggarui. Karui natuvu sanggani-nggani nte savua. Nasae-sae, karui nangupisi savua haitu sampe namate.

Matius 13:7 Iomraidhean Croise

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 13:6

Tapi napanepa eo, nalelemo bo nangaumo savua haitu sabana ledo nandala kalena.

Matius 13:8

Bo naria muni savua nanavu ri tana naboya. Savua haitu natuvu sampe novua. Naria saatu-nggani kadeana, naria onopulu-nggani, bo naria muni talupulu-nggani kadeana.

Markus 4:7

Bo naria muni sanu savua nanavu ranggarui. Karui haitu natuvu bo nangupisi savua sampe ledo nabelo katuvuna bo ledo novua.

Lukas 8:7

Naria muni savua nanavu ranggarui. Savua haitu natuvu singgani ante karui, tapi kaupuna namatemo savua haitu sabana niposiupisi nggarui.