Matius 13:11 - Kaili Ledo

¹¹ Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Matius 13:11 Iomraidhean Croise

Matius 13:10

Naupu sia, ana-anaguru i Yesus nanggaparai Ia bo nompekutana, “Guru, nuapa sabana Komiu nompake porapa ane nompatuduki todea?”

Matius 16:17

Nanguli i Yesus, “Mabelo mpuu iko, Simon, ana i Yunus! Sabana, ledo manusia nompopaisani haitu ka komiu. TuamaKu ri suruga nompopaisani ka iko isema Yaku.

Matius 19:11

Nesana i Yesus, “Ledo pura-pura tona mompakule ledo moberei, aga ira anu nipakatantu nu Alatala.

Matius 20:23

Bo nanguli i Yesus ka ira, “Nakana mami komiu mombarasai pepandasa eva pepandasa Kurasai. Tapi ledo Yaku nakuasa mompakatantu isema masipato monturo ri sabingga ngganaKu bara ri sabingga njidiKu. Ponturo haitu aga bagia ntona anu nipakatantu nTuamaKu.”

Markus 10:40

Tapi ledo Yaku nakuasa mompakatantu isema masipato monturo ri sabingga ngganaKu bo ri sabingga njidiKu. Aga Alatala nompakatantu isema masipato monturoka ponturo haitu.>>

Markus 4:11

Nangulimo i Yesus ka ira, <

Lukas 8:10

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu. Tapi tona ntanina aga nipatuduki ante porapa ala ‘rapariara, tapi nau rapeintara ledo rasanira nuapa najadi, bo nau raepera ledo rasanira batuana.’

Yohanes 6:65

Pade niuliNa muni, “Haitu sampe niuliKu ka komiu pangane, ledo ria saitoa mamala momparasaya Yaku ane ledo rapaloga nTuamaKu.”

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

Suro-Suro 16:14

Naria saito mombine ri sia lako ri ngata Tiatira nosanga i Lidia. Ia topobalu kae nosura sese mpalola, anu nasuli mpuu alina. Ia nombasomba Alatala mamimo. Tempo niepena tesa i Paulus, Alatala nompakanoto rarana sampe nitarimana pepatuduki haitu.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Korintus 15:51

Pariaramo! Kupopaisani ka komiu anu nitabuniaka nu Alatala lako ri lamba pamulana! Ledo pura-pura kita mamate, tapi kita pura-pura kana rabaliki nau kita da natuvu atau namatemo.

1 Korintus 2:14

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

1 Korintus 4:1

Jadi kami pakenimiu kana rarekemiu batua i Kristus. Kami hii niparasayaka nu Alatala mompatolele tesaNa anu dopa nisani ntodea ri dunia.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

Efesus 1:18

Kuperapi ala Ia mompakareme pekirimiu ala mpuu-mpuu rasanimiu kabelo anu nisarumakata lako nte Alatala anu nompokio kita majadi todeaNa. Kuperapi ala rasanimiu kabelo bo kaoge nu belo nipakasadia nu Alatala radekei ka todeaNa bara maipia.

Efesus 1:9

Alatala nompopaisani ka kita niaNa anu dopa nisani nu manusia bara ipia. Nangoseaka dotaNa mboto, Alatala nompakatantu lako ri nggauluname ala niaNa haitu rapakadupa i Kristus

Efesus 5:32

Tesa hitu nakumba batuana, tapi anu nipatujuku ante tesa hitu iamo posinggapara i Kristus ante todeaNa.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Kolose 2:2

Yaku nompasimbuku ala raramiu pura-pura rapakaroso bo komiu mosangu rara bo mosimpotove. Apa ane ivesia, pomparasayamiu mpuu-mpuu maroso bo komiu ledo molengga-lengga sabana nisanimiumo anu nakana. Jadi komiu mosisani belo nte i Kristus, Iamo poko nia nu Alatala, nia anu nitabuniaka lako ri nggauluname.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Timotius 3:9

Ia kana maroo momparasaya pepatuduki nakana anu nipopaisani nu Alatala ka kita, bo kana mangoseaka pepatuduki haitu ante mpuu-mpuu rarana.

Yakobus 1:5

Ane makura noto pompekirimiu, perapimo lako nte Alatala. Bo radekeiNa pompekiri nanoto niperapimiu, sabana najoi raraNa nombadekei noto ka pura-pura tona. Ledo ntoto natove raraNa.

1 Yohanes 2:20

Tapi nitarimamiumo Nosa Gasa nu Alatala, anu nipopanau i Yesus Kristus. Haitu sampe komiu pura-pura nangisani pepatuduki nakana.

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.