Matius 12:41 - Kaili Ledo

⁴¹ Ri Eo Potangara bara maipia, tupu ngata Niniwe rapakatuvu mpanjili mosanggani-nggani ante komiu anu natuvu sii-sii. Bo ira mombasalai pokainggumiu sabana ira najeamo nangepe tesa Nabi Yunus. Sii-sii naria saito ri tatangamiu naogepa pade Nabi Yunus tapi ledo nadota komiu momparasaya tesaNa.

Matius 12:41 Iomraidhean Croise

Matius 12:39

Tapi nesana i Yesus, “Nadaa mpuu komiu natuvu sii-sii! Komiu ledo natutu nangoseaka Alatala! Komiu nerapi Kupovia tanda nabaraka. Tapi ledo maria tanda ntanina rapopakita ka komiu, aga tanda eva anu najadi nte Nabi Yunus nggaulu.

Matius 12:42

Ivesia muni ri Eo Potangara, magau mombine tana Syeba ri sabingga puluna rapakatuvu mpanjili mosanggani-nggani ante komiu anu natuvu sii-sii. Bo ia muni mombasalai pokainggumiu, sabana ia nakava lako ri ngata nakavao ala mangepe pepatuduki Magau Salomo anu nanoto mpuu. Tapi sii-sii naria ri tatangamiu saito anu naogepa bo nanotopa pade Magau Salomo tapi ledo nadota komiu momparasaya tesaNa.”

Matius 12:45

Jadi seta haitu hau nompokio papitu seta ntanina anu nadaapa pade ia mboto. Bo nakavamo ira nesua nte tona haitu bo nonturo ri sia. Kaupuna katuvu ntona haitu tantu melabipa kadaana pade ri pamulana bara ipia. Ivesia muni anu majadi nte tona nadaa anu natuvu sii-sii sabana ira ledo nadota nomparasaya tesaKu.”

Matius 12:6

Pariaramo anu Kuuli ka komiu hitu: Ri sii naria saito naogepa pade Banua nu Alatala.

Matius 16:4

Nadaa mpuu komiu natuvu sii-sii! Komiu ledo natutu nangoseaka Alatala. Komiu nerapi ala Kupovia tanda rapokumaaka ntona. Tapi ledo ria sangua tanda rapopakita ka komiu, aga tanda eva anu najadi nte Nabi Yunus nggaulu.” Naupu haitu, nipalaisiNamo ira.

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

Matius 23:36

Pariaramo tesaKu hitu! Komiu natuvu sii-sii rahuku sabana pura-pura anu nadaa nipovia ntotuamiu nggaulu!”

Lukas 11:32

Ivesia muni ri Eo Potangara tupu ngata Niniwe rapakatuvu mpanjili mosanggani-nggani nte komiu anu natuvu sii-sii. Bo ira mombasalai pokainggumiu sabana ira najeamo nangepe tesa Nabi Yunus. Sii-sii naria saito ri tatangamiu naogepa pade Nabi Yunus, tapi ledo nadota komiu nomparasaya tesaNa.”

Yohanes 3:31

I Yesus anu nanau lako ri suruga naogepa pade pura-pura manusia. Manusia biasa lako ri dunia hitu, aga nombatesa anu najadi ri dunia hitu. Tapi Ia anu nanau lako ri suruga naogepa pade pura-pura manusia.

Roma 2:27

Ane ivesia, pokainggu ntona ledo toYahudi nompopakita kasala ntoYahudi. Sabana, kita toYahudi naria Atura agama nitulisi, bo kita muni nisuna tandana kita todea nu Alatala, tano mai kita ledo nangoseaka parentaNa. Ira ledo nisuna tapi iramo anu nangoseaka parenta-parenta riara Atura agama.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.