Matius 11:7 - Kaili Ledo

⁷ Nalaipa tona nitudu i Yohanes haitu, nitesaNamo katuvu i Yohanes ka todea. NiuliNa, “Nuapa patujumiu hau ranggarava bai nompeinta i Yohanes bara ipia? Hau manggita tona nonggai rarana eva kavoko niburu mpoiri hau tumai? Natantu ledo ivesia.

Matius 11:7 Iomraidhean Croise

Matius 11:8

Jadi nuapa patujumiu hau? Hau manggita tona nopakea nagaya? Natantu ledo muni, apa tona nopakea ivesia aga nonturo ri banua magau.

Matius 12:20

Tava natetilu ledo rapakakotoNa, batuana, Ia nabelo nte tona nalente pomparasayana bo sumbu poindo aga nompida-mpida vayana ledo rapepayaNa; batuana, nalusu raraNa nte tona nau pomparasayana ledo naroo. Ia bate-batena mompasimbuku sampe kanoa nu poparenta nu Alatala majadi ri dunia,

Matius 21:25

Uli ka Yaku, isema nombadekei kuasa ka i Yohanes mombadiu tona? Alatala atau manusia?” Jadi nosiulikamo pakeni ntoYahudi, “Berimba kita mesana ka Ia? Ane raulita i Yohanes nombadiu ante kuasa lako nte Alatala, rauliNa vai ka kita, ‘Ane ivesia, nakuya ledo niparasayamiu i Yohanes?’

Matius 3:5

Nadeamo tona nakava nte ia lako ri ngata Yerusalem bo njumangu bagia Yudea bo pura-pura bagia napara Binangga Yordan.

Lukas 8:18

Jadi pariara pakabelo-belo Tesa nu Alatala niepemiu, sabana isema-sema mantarima bo mangoseaka Tesa haitu kana ratambaika pangisanina Tesa haitu. Tapi isema-sema ledo ratarimana bo ledo raoseakana Tesa nu Alatala, pangisani sakide naria nte ia ralelakasi lako nte ia.”

Yohanes 1:38

I Yesus neili ntaliku nanggita ira nangoseaka Ia. Bo nipekutanaNa, “Nuapa nielomiu?” Nesanamo ira randua, “Rabi, ri umba ponturoMiu?” (Batuana Rabi, Guru.)

Yohanes 5:35

I Yohanes Topediu haitu nasimbayu mpo poindo nevangga bo nanggeni reme ka komiu. Bo komiu nadamba mpuu nangepe tesana. Tapi kadamba nu raramiu haitu aga sampalai.

Efesus 4:14

Ane ivesia kita, kita domo mpo ngana anu ledo nakaja rabagiu, atau sakaya kodi nitompesaka nu balumba bo nikeni nu poiri hau tumai. Kita domo aga rataja hau tumai mangoseaka mpengaya-ngaya pepatuduki anu ledo nakana, bo domo kaliu-liu momparasaya tesa-tesa ntopebagiu anu natau gaga nodava, dava nipoviara mboto. Patujura, mompakasalandala kita.

Yakobus 1:6

Tapi ane komiu merapi nte Alatala, komiu kana mpuu-mpuu momparasaya bo nee monggai raramiu. Apa tona nonggai rarana nasimbayu mpo balumba ri tasi niburu mpoiri hau tumai.