Matius 11:4 - Kaili Ledo

⁴ Nesana i Yesus, “Panjilimo komiu hau nte i Yohanes bo ulika ia pura-pura anu niepemiu bo nikitamiu ri sii:

Matius 11:4 Iomraidhean Croise

Matius 11:3

“Tua, Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 15:30

Nakavamo todea nte Ia nanggeni roara napunggu, tona naburo, nakejo bo nakoyo, tona nabobo bo nadea tona ntanina anu nadua. Ira nikeni ri ngayo i Yesus bo nipakabeloNa pura.

Matius 21:14

Naliu haitu tona naburo bo tona nakejo bo nakoyo nakava nte i Yesus ri Banua nu Alatala. Bo nipakabeloNamo ira.

Matius 8:3

Nangepe haitu, i Yesus nombadika paleNa ri karo ntona haitu bo nanguli, “Madota Yaku. Mabelomo iko!” Kaliu-liu nabelomo tona haitu.

Yohanes 14:11

Parasayamo tesaKu hitu, Yaku mpuu-mpuu nosangu ante TuamaKu bo TuamaKu muni nosangu ante Yaku. Nau ledo niparasayamiu tesaKu, parasayamo sabana nikitamiumo kabaraka-kabaraka nipoviaKu.

Yohanes 5:36

Tapi naria sangayapa anu nompakalanto isema Yaku, bo anu haitu nopokopa pade sabi i Yohanes Topediu, haitumo pokarajaaKu. PokarajaaKu niparasaya nTuamaKu ka Yaku ala Kupakaupu. Pokarajaa haitumo nompakalanto Yaku hii nitudu nTuamaKu.