Matius 11:1 - Kaili Ledo

¹ Naupupa i Yesus nompatuduki anaguruNa sapulu randua, nalaimo Ia lako ri sia bo hau mompatuduki tona bo mompatolele Kareba Belo ri ngata-ngata napara sia.

Matius 11:1 Iomraidhean Croise

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Matius 7:28

Naupu i Yesus nompatuduki haitu pura-pura ka todea, nokumaa mpuumo ira nangepena.

Matius 9:35

I Yesus hau nompesayoki ngata dea. Ia nompatuduki ri banua-banua petupu bo nompatolele kareba Poparenta nu Alatala. Bo nipakabeloNa tona nadua mpengaya-ngaya.

Markus 6:12

Naupu haitu, haumo ira sapulu randua mompatolele ka todea kana majea lako ri dosara.

Lukas 23:5

Tapi aga nantambaipa pebarusura bo nanguli, “PepatudukiNa nompakapane rara ntodea ri njumangu ngata ri bagia Yudea hitu. Ia nompamula nompatuduki ri bagia Galilea, sampe nakava ri sii munimo.”

Lukas 8:1

Naupu sia, i Yesus hau nompebutu ngata nompatolele Kareba Belo, anu notesaki Poparenta nu Alatala. AnaguruNa sapulu randua hau nosanggani-nggani ante Ia,

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Yohanes 15:14

Bo komiu mpuu-mpuu vegaKu ane komiu mangoseaka parenta-parenta nidekeiKu ka komiu.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 10:42

Bo nituduNa kami mompatolele Kareba Belo haitu ka pura-pura tona, bo manguli ka tona Iamo nianggataka nu Alatala majadi Topotangara pura-pura manusia da natuvu bo anu namatemo.

1 Tesalonika 4:2

Nisanimiu pepatuduki nidekei kami ka komiu ante kuasa lako nte i Pue Yesus.

2 Tesalonika 3:10

Tempo kami da naria nte komiu bara ipia, kami nomparenta komiu ivei: “Isema-sema ledo madota mokarajaa, ledo mamala mangande!”

2 Tesalonika 3:6

Sampesuvu-sampesuvu, ante kuasa nidekei i Pue Yesus Kristus ka kami, kami nomparenta komiu, nee ntoto mosimpovega ante sampesuvu sampomparasaya namau bo ledo nangoseaka pepatuduki nipatuduki kami ka komiu.

1 Timotius 6:14

Oseaka puramo parenta hitu ante mpuu-mpuu raramu bo ante pokainggu anu ledo masipato rasalai ntona, sampe makava mpanjili Tuputa i Yesus Kristus.