Matius 10:5 - Kaili Ledo

⁵ Ira sapulu randua nisuro i Yesus hau manggeni Kareba Belo bo nitevaiNa ivei: “Nee hau ri ngata-ngata ntona ledo toYahudi bara ngata-ngata ntoSamaria.

Matius 10:5 Iomraidhean Croise

Matius 22:3

Nituduna batua-batuana hau mompokio pura-pura tona anu nigagana makava ri posusa haitu Tapi ira nigaga haitu, ledo ria saitoa nadota hau.

Matius 4:15

“Komiu toponturo ri tana muli i Zebulon bo i Naftali, ri dala hau ri rano ri sambote Binangga Yordan! Komiu toponturo ri bagia Galilea, ngata ntona ledo toYahudi!

Markus 6:7

NirondeNa sapulu randua anaguruNa bo nituduNa ira randua-randua hau mompatolele Kareba Belo. NidekeiNa kuasa ka ira mompopalai seta-seta.

Lukas 10:1

Naliutaka haitu, i Pue Yesus nompelisi pitupulu topangoseaka Ia ntanina. Tona pitupulu haitu nituduNa randua-randua samporoa mokolu ka Ia hau ri pura-pura ngata rakalauNa.

Lukas 10:33

Naupu haitu, naria saito toSamaria noliu ri sia muni. Nikitanapa tona niboba haitu, naasi mpuu matana.

Lukas 17:16

Ia notungga sampe ri tana ri ngayo i Yesus bo nanguli tarima kasi. Ia mai toSamaria.

Lukas 9:1

I Yesus nompasiromu sapulu randua anaguruNa bo nidekeiNa kuasa ka ira mompopalai seta bo mompakabelo tona nadua mpengaya-ngaya.

Lukas 9:2

NituduNa ira hau mompakabelo tona nadua bo mompatolele kareba Poparenta nu Alatala.

Yohanes 17:18

NituduKu ira hau nte tona ntanina riara dunia hitu, nasimbayu mpo Yaku nituduMiu tumai ri dunia.

Yohanes 20:21

Nanguli vaimo i Yesus, “Kuperapi Alatala mompakatinonto raramiu! Yaku mombasuro komiu, nasimbayu mpo TuamaKu nombasuro Yaku.”

Yohanes 4:20

Totua kami nggaulu nombasomba Alatala ri bavo nu bulu hitu. Tapi Komiu toYahudi nanguli aga ri ngata Yerusalem masipato tona mombasomba Alatala.”

Yohanes 4:5

Jadi nakavamo i Yesus ri ngata Sikhar ri bagia Samaria. Ngata haitu napara tana nidekei i Yakub ka anana i Yusuf nggaulu.

Yohanes 4:9

Nanguli mombine toSamaria haitu ka Ia, “Ha! Komiu tu toYahudi, yaku hii toSamaria. Berimba sampe Komiu merapi uve inu lako nte yaku?” Niulina ivesia sabana nabiasa toYahudi ledo nosimpokono ada ante toSamaria.

Yohanes 7:35

Nangepe tesa i Yesus haitu, naingumo pakeni ntoYahudi. Nosimpekutanamo ira, “Hau ri umba tano Ia sampe ledo rakavata Ia? Bara hau nte toYahudi anu nonturo ri ngata-ngata ntona ledo toYahudi bo mompatuduki tona ledo toYahudi?

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 10:45

ToYahudi anu nomparasaya i Yesus, anu nantuntuni i Petrus lako ri Yope, ira pura-pura nokumaa sabana Nosa Gasa nipopanau muni ka tona ledo toYahudi.

Suro-Suro 8:1

I Saulus nadamba apa i Stefanus nipatesira. Nompamula eo haitu todea topangoseaka i Yesus ri ngata Yerusalem mpuu-mpuu nipandasa ntoYahudi sampe ira nasimpotare hau ri njumangu ngata ri bagia Yudea bo Samaria. Aga suro-suro i Yesus ledo nalai.

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.