Matius 10:22 - Kaili Ledo

²² Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Matius 10:22 Iomraidhean Croise

Matius 10:39

Isema-sema batena nangoseaka dota rarana mboto, ledo manggava katuvu mabelo sampe ri kasae-saena. Tapi isema-sema nombakabasaka pura-pura dota rarana mboto sabana nioseakana Yaku, iamo manggava katuvu mabelo sampe ri kasae-saena.

Matius 24:13

Tapi tona maroo mangoseaka Yaku sampe ri kaupuna, iramo rapakasalama.

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Matius 5:11

Nabelo mpuumo ane komiu rasalai atau rapandasa atau rarai ntona sabana komiu topangoseaka Yaku.

Markus 13:13

Komiu rapovuu mata ntodea sabana komiu nangoseaka Yaku. Tapi isema-sema naroo pomparasayana sampe ri kaupuna, ia kana rapakasalama nu Alatala.>>

Lukas 21:17

Komiu rapovuu mata ntodea, sabana komiu nangoseaka Yaku.

Lukas 21:19

Ane komiu bate-batena momparasaya bo ledo moura, komiu mpuu-mpuu manggava katuvu mabelo sampe ri kasae-saena.”

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Yohanes 17:14

NipasimbayuKu ka iramo tesaMiu sampe tona riara dunia hitu navuu matara nanggita anaguruKu. Sabana, anaguruKu haitu ledo nosangu pekiri ante ira, nasimbayu mpo Yaku muni ledo nosangu pekiri ante tona haitu.

Yohanes 7:7

apa ledo ria tona navuu matana nte komiu. Tapi Yaku nipovuu mata ntona nadaa ri dunia hitu sabana Yaku nantuenaka pokainggura nadaa.

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

2 Korintus 4:11

Ane da matuvupa kami, da mariapa tona madota mompatesi kami sabana kami nangoseaka i Yesus. Haitu najadi ala malanto i Yesus natuvu mpanjili, apa kuasaNa rakita riara nggatuvu kami anu mamate.

Galatia 6:9

Sabana haitu, nee mabasa rarata movia anu nabelo, sabana ane ledo maupu rarata movia anu nabelo, makava tempona ratarimata aselena.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

Ibrani 6:11

Dota kami, ala komiu pura-pura mompasimbuku mokainggu ivehaitu sampe ri kaupuna ala komiu mpuu-mpuu manggava pura-pura anu nisarumakamiu lako nte Alatala.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

1 Yohanes 3:13

Jadi sampesuvu-sampesuvuku, nee mokumaa ane tona ledo nomparasaya i Yesus navuu matara nanggita komiu.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”

Pompakita 2:26

Isema-sema padagi bo mangoseaka dotaKu sampe ri kaupuna, Kudekeika kuasa nasimbayu mpo nitarimaKu lako nte TuamaKu. Kudekei kuasa ka ira momparenta manusia ri umba-umba ri dunia. Ira momparenta ante ase poboba. Bo rapakaropura balira nasimbayu mpo tona norupusaka kura tana.

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.