Matius 10:16 - Kaili Ledo

¹⁶ “Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Matius 10:16 Iomraidhean Croise

Matius 24:25

Toramo! Lave nipopaisaniKu mamimo ka komiu dopame majadi haitu pura-pura, jadi nee rabagiu!

Matius 24:45

“Rapana naria batua anu nanoto bo natutu neoseaka, iamo raanggataka nu madikana majadi topompasiayu pura-pura batua ntanina riara nu banua. Iamo mompasiayu kandea ka batua-batua ntanina eo-eo.

Matius 25:2

Alima ira nadoyo, bo alima nanoto.

Matius 25:4

Tapi randaa nanoto, nanggeni poindo bo nipakasadiara munimo lana raisi ri poindora ane maoti ngena lanana.

Matius 25:9

Nesana randaa nanoto, ‘Ledo magana ngena lana raisi ri poindo kami ane radekei ka komiu sanu. Aginapa komiu mangali lana nte topobalu lana.’

Lukas 10:3

Jadi, koimo komiu, tapi pakabelo! Apa komiu Kutudu hau ri tatanga ntona nadaa. Komiu masimbayu ante ana nu bimba nipopalai ri tatanga nu asulaku.

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Suro-Suro 20:29

Nisaniku malai yaku lako ri sii, kana makava tona nadaa anu mompakasusa todea anu nipiaramiu, nasimbayu mpo asulaku makava mombabaga bimba.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 11:14

Tapi kita ledo mahera manggita pokainggura haitu, sabana Magau nu Seta mboto nombabali karona ala rasarumaka ntona ia malaeka nanggeni reme.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

2 Korintus 8:20

Patuju kami nantudu sampesuvuta haitu nosanggani-nggani nte i Titus ala nee maria tona manguli kami ledo nanoa nompasiayu pedekei nadea haitu.

Filipi 2:15

ala malanto ka pura-pura tona komiu ana-ana nu Alatala nabelo, anu ledo rasalai ntona. Komiu natuvu nanoa ri tatanga manusia natenggo bo nadaa nasimbayu mpo betue-betue nombavanta kalandana.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 4:5

Komiu kana mokainggu manoto ante tona dopa nomparasaya i Kristus. Pakemo pura-pura loga naria mompopaisani i Kristus ka ira.

1 Tesalonika 2:10

Nisanimiu mboto kagasa katuvu kami nte komiu topomparasaya i Kristus. Pokainggu kami nagasa bo nanoa, bo ledo ria nuapa-nuapa masipato rasalai. Nisanimiu bo nisani nu Alatala muni tesaku hitu nakana.

1 Tesalonika 5:22

Petalilikamo pura-pura pokainggu nadaa.