Matius 10:1 - Kaili Ledo

¹ I Yesus nompasiromu ana-anaguruNa, bo nidekeiNa ka ira kuasa mompopalai seta-seta bo mompakabelo tona nadua mpengaya-ngaya.

Matius 10:1 Iomraidhean Croise

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 26:20

Nabongipa, nonturomo i Yesus nangande nosanggani-nggani ante ana-anaguruNa.

Matius 26:47

Da notesa i Yesus, nakavamo i Yudas, saito lako ri sapulu randua anaguruNa. Ia nakava nosanggani nte todea nantipale guma bo pato, tona nitudu nu balengga-balengga ntopanggeni pesomba bo totua-totua ntoYahudi.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Matius 9:35

I Yesus hau nompesayoki ngata dea. Ia nompatuduki ri banua-banua petupu bo nompatolele kareba Poparenta nu Alatala. Bo nipakabeloNa tona nadua mpengaya-ngaya.

Matius 9:38

Jadi perapimo nte Alatala tupu ntalua, ala ratuduNa tona hau mokato ri taluaNa.”

Lukas 10:19

Jadi, pariaramo! Yaku mombadekei kuasa ka komiu ala rapakulemiu mombajeje ule bo supitole bo mombadagi pura-pura karoso nu balita, bo ledo ria nuapa-nuapa mamala mombakuyasi komiu.

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Lukas 24:49

Pariaramo! Kupopanau ka komiu Nosa Gasa anu nijanji nTuamaKu Alatala. Jadi popeamiu ri sii ri ngata Yerusalem sampe kuasa nu Alatala manau nte komiu.”

Lukas 6:13

Naeo mpadondo, nipasiromuNa puramo tona nangoseaka Ia, pade nipelisiNa sapulu randua lako nte ira majadi anaguruNa, ala ira mompapola tesa nu Alatala ka todea.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

Yohanes 3:35

Tuamata Alatala nompotove AnaNa, bo nidekeiNa Ia mombakuasai pura-pura.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 19:15

Tapi nesanamo seta haitu, “Ane i Yesus, nisaniku Ia, bo i Paulus nisaniku munimo. Tapi komiu tu, isema?”

Pompakita 12:1

Naliu haitu, neumbamo tanda ri langi anu mpuu-mpuu nipokumaaka. Naria saito mombine nopakea mata nu eo. Ia neangga ri bavo nu bula, bo ri balenggana naria songgo nipovia lako ri sapulu randua betue.