Matius 1:22 - Kaili Ledo

²² Haitu pura-pura najadi ala madupa tesa nTupu anu nipasimbayu nabiNa nggaulu ivei:

Matius 1:22 Iomraidhean Croise

Matius 12:17

Ivesiamo kadupana Tesa nu Alatala anu nipasimbayu Nabi Yesaya nggaulu ivei:

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Matius 13:35

Ivesiamo kadupana tesa nu Alatala nipasimbayu nabi nggaulu ivei: “Yaku mompake porapa ane motesa ka ira. Ivesiamo Kutesa anu nitabuniaka lako ri pompajadi dunia.” Mazmur 78:2

Matius 2:15

Bo ira nonturo hamai sampe namate Magau Herodes. Ivesiamo kadupana tesa nTupu nipasimbayu nu nabi nggaulu ivei: “Yaku nompokio anaKu mesuvu lako ri tana Mesir.”

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Matius 5:17

“Nee rapekirimiu Yaku hii nakava mompakaropu Atura-atura agama nitulisi i Musa bo pepatuduki nu nabi-nabi. Yaku ledo nakava mompakaropuna tapi ala mompopakita kadupana.

Matius 8:17

Haitu najadi ala madupa tesa nu Alatala anu nipasimbayu Nabi Yesaya nggaulu ivei: “Iamo nomparikaro kasusata bo nompakabelo kita nadua.” Yesaya 53:4

Lukas 21:22

Tempo haitu tempo pehuku nu Alatala ala madupa pura-pura anu nitulisi ri Buku Gasa.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 10:35

Anu nitulisi riara Buku Gasa haitu ledo nabali-bali tapi bate-batena nakana sampe ri kasae-saena. Ira anu nantarima tesa nu Alatala nggaulu haitu niuliNa ‘ana-ana nu Alatala’,

Yohanes 15:25

Haitu najadi ala madupa tesa nitulisi riara Buku Gasa ivei: ‘Ira navuu matara nanggita Yaku nau ledo naria sabana.’

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Yohanes 18:9

I Yesus notesa ivesia ala mompakadupa tesa niuliNa pangane ivei: “Tata, lako ri pura-pura topeoseaka nidekeiMiu ka Yaku ledo ria saitoa nalipo.”

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Roma 1:2

Kareba haitu nijanjiNa nggaulu bo nipopaisaniNa ka nabi-nabiNa. Pura-pura haitu nitulisi riara Buku Gasa.

Pompakita 17:17

Haitu pura-pura kana majadi sabana Alatalamo nompakasangu pekiri nu magau sapulu movia nia nu Alatala mboto. Ia nompakasangu rarara mombadekei kuasara ka binata nadaa haitu ala binata haitu momparenta sampe madupa pura-pura anu nitesa nu Alatala.