Matius 1:16 - Kaili Ledo

¹⁶ i Yakub nomulika i Yusuf berei i Maria, bo i Maria noanaka i Yesus anu niuli i Kristus, haitumo Magau Topepakasalama anu nijanji nu Alatala.

Matius 1:16 Iomraidhean Croise

Matius 1:15

i Eliud nomulika i Eleazar, i Eleazar nomulika i Matan, i Matan nomulika i Yakub,

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 16:20

Naupu haitu, niuliNa ka anaguruNa, “Nee ratesamiu ka tona Yaku hii Magau Topepakasalama.”

Matius 2:13

Nalaipa tona lako ri mpandakena, nakavamo saito malaeka nTupu riara pangipi i Yusuf bo nanguli, “Pembangumo, kenimo ngana ntali tina haitu masalisa hau ri tana Mesir, sabana Magau Herodes mangelo ngana haitu rapatesina. Ponturomo hamai sampe yaku makava vai nte iko.”

Matius 27:17

Tempo i Pilatus nombatangara i Yesus, todea nasiromu. Jadi i Pilatus nekutana nte ira, “Isema rapodotamiu kukabasaka ka komiu mpae hitu? I Yesus Barabas atau i Yesus anu niuli Magau Topepakasalama anu nijanji nu Alatala?”

Matius 27:22

Bo nekutana vaimo i Pilatus, “Ane ivesia, nuapa kupovia ante i Yesus, anu niuli Magau Topepakasalama anu nijanji nu Alatala?” Nesana ira, “Pakumo Ia ri kayu salib!”

Markus 6:3

Apa ledo Ia aga pande kayu, ana i Maria bo tuaka i Yakobus, Yoses, Yudas bo i Simon? Bo tueiNa mombine naria muni ri tatangata ri sii!>> Jadi naduamo rarara bo nipoarara pepatudukiNa.

Lukas 1:27

Malaeka Gabriel nitudu hau mangulika saito randaa, nosanga i Maria. Randaa haitu notengea nte langgai nosanga i Yusuf, muli Magau Daud.

Lukas 2:48

Tina tuamaNa muni nokumaa nanggita ia ri sia. Nanguli tinaNa ka Ia, “Yesus, nakuya Iko nompovia kami ivehitu? Yaku nte tuamaMu nasesa mpuu nompaelo Iko!”

Lukas 2:7

Ia noanaka saito ngana langgai, ana lumbua. Ngana haitu nibunguna ante kae lampi, pade nidulina riara potande kandea binata, sabana ledo ria paturu ka ira ri banua pesaira haitu.

Lukas 3:23

Tempo i Yesus nompamula pokarajaaNa, umuruNa nitasere talupulu mpaemo. Nangoseaka panggava ntodea, Ia ana i Yusuf, Yusuf ana i Eli;

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Yohanes 4:25

Nesana vai mombine haitu, “Nisaniku kana makava Magau Topepakasalama anu niuli i Kristus. Ane Ia haitu makava, Ia kana motentei pakalanto mpengaya-ngaya ka kita.”