Lukas 9:48 - Kaili Ledo

⁴⁸ bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

Lukas 9:48 Iomraidhean Croise

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Matius 18:14

Ivesia muni Tuamamiu ri suruga. Ia ledo madota saitoa lako ri ngana kodi hitu malipo pomparasayana.”

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 25:45

Bo Yaku mesana ka ira, ‘Pariaramo tesaKu hitu! Tempo komiu ledo nadota nantulungi sampesuvu-sampesuvuKu hitu anu naede panggana, batuana komiu ledo nadota nantulungi Yaku.’ ”

Markus 9:37

<>

Lukas 10:16

Pade nanguli i Yesus ka topangoseaka Ia, “Isema-sema nantarima tesamiu, nitarimana muni tesaKu. Isema-sema nompoara komiu, nipoarana muni Yaku. Bo isema-sema nompoara Yaku, nipoarana muni Alatala anu nombatudu Yaku.”

Lukas 14:11

Isema-sema nompakalanga rarana mboto, kana rapakaede nu Alatala. Bo isema-sema nompakaede rarana mboto, kana rapakaoge nu Alatala.”

Lukas 22:26

Tapi ledo ivesia nte komiu. Kakanana isema naoge kana majadi masimbayu mpo tona naede, bo pakenimiu kana majadi masimbayu mpo batua.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Lukas 7:28

Nanguli i Yesus, “Toramo! Lako ri pura-pura tona nipoanaka ri dunia hitu, ledo ria saitoa tona naogepa pade i Yohanes. Tapi nau tona ledo ria nturona ri Poparenta nu Alatala, naogepa ia pade i Yohanes.”

Yohanes 13:20

Pariaramo tesaKu hitu, isema-sema nantarima tona nituduKu, nitarimana muni Yaku. Bo isema-sema nantarima Yaku, nitarimana muni TuamaKu anu nantudu Yaku.”

Yohanes 14:21

Isema-sema mompariara bo mangoseaka parenta-parentaKu, iamo nompotove Yaku. Bo isema-sema nompotove Yaku, ia muni rapotove nTuamaKu, bo Yaku mboto mompotove ia bo mompopaisani karoKu ka ia.”

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Petrus 5:6

Jadi sampesuvu-sampesuvu, pakaedemo raramiu, bo pekoumo nte Alatala naroso ala rabilaNa komiu ri tempo nipakatantuNa.

Pompakita 21:14

Tembo ngata haitu nipopeangga ri bavo sapulu rolonta vatu pandasi bo ri vatu pandasi haitu naria nitulisi sanga sapulu randua suro nu Ana Bimba.

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.