Lukas 9:31 - Kaili Ledo

³¹ Ira randua neonga riara reme lako ri suruga. Ira notesa kamate i Yesus anu domo masae rapakadupa ri ngata Yerusalem.

Lukas 9:31 Iomraidhean Croise

Lukas 9:22

Yaku, Ana nu Manusia, kana rapandasa bo rapoara ntotua ntoYahudi ante balengga-balengga ntopanggeni pesomba bo guru-guru agama. Yaku rapatesi tapi ri eo katataluna Yaku rapakatuvu mpanjili.”

Lukas 9:30

Sampesanika, neumbamo tona randua notesa ante Ia, haitumo i Musa bo i Elia, nabi nu Alatala.

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

2 Korintus 3:18

Sii-sii lenjeta ledo nisalibumbu mpo lenje i Musa nggaulu, apa kita nompopakita kaoge i Pue Yesus riara nggatuvuta. Bo kaoge haitu nakava lako nte Tupu, haitumo Nosa Gasa anu natuvu riara ntaita. Nosa Gasa sakide-sakide nombabaliki kita majadi nasimbayu mpo i Pue Yesus, ala sakide-sakide mantambaipa kaogeNa rakita riara nggatuvuta.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

Ibrani 11:22

Lako ri pomparasaya i Yusuf, tempo damo kamatena, ia nanguli Alatala manggeni toIsrael mesuvu lako ri tana Mesir bara maipia. Bo nitevaina anu rapoviara ka karobatana tempo ira malai lako ri Mesir.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

2 Petrus 1:15

Jadi kupasimbuku ala nau mamatemo yaku, komiu bate-batena mantora pura-pura tesa haitu.

Pompakita 7:14

Nesanamo yaku, “Tua, ledo nisaniku, komiu nangisanina.” Bo nangulimo ia ka yaku, “Ira gahaitumo tona nipakasalama tempo pepandasa anu nelabi mpuu kadaana. Nitoposira pakeara sampe naramputi ante raa nu Ana Bimba, haitumo, dosara niampungi.