Lukas 9:3 - Kaili Ledo

³ Dopame ira nalai, i Yesus nanguli ka ira, “Nee manggeni nuapa-nuapa riara polipamiu. Nee manggeni toko polipa bara batutu, bara baku, bara doi, bara rontonga baju.

Lukas 9:3 Iomraidhean Croise

Markus 6:7

NirondeNa sapulu randua anaguruNa bo nituduNa ira randua-randua hau mompatolele Kareba Belo. NidekeiNa kuasa ka ira mompopalai seta-seta.

Lukas 12:22

Pade nanguli i Yesus ka anaguruNa ivei: “Kuuli ka komiu, nee makini raramiu mompekirika katuvumiu bara nuapa rakandemiu, bara baju nuapa rapakemiu,

Lukas 12:28

Jadi ane Alatala nompakagaya bunga-bunga ranggavoko anu aga natuvu sampalai bo rapalabusimo, nemopa komiu! Natantu Ia mombadekei pakea niparaluumiu! Nakura mpuu pomparasayamiu!

Lukas 22:35

Naupu haitu i Yesus nanguli ka anaguruNa pura-pura, “Bara ipia nituduKu komiu hau mompatolele Kareba Belo lako nte Alatala, bo ledo nidekeiKu komiu manggeni doi bara batutu bara sapatu. Berimba tempo haitu, naria anu nakura nte komiu?” Nesana ira, “Kami ledo nakura nuapa-nuapa.”

Lukas 3:11

Nesana i Yohanes, “Tona rontonga bajuna, kana radekeina santonga ka tona ledo ntoto naria bajuna. Tona nokandea kana radekeina sanu ka roana ledo ria kandeana.”

Lukas 5:29

Naupu sia, i Lewi novia posusa ka i Yesus ri banuana. Nadea topesingara balasitee ante tona ntanina nangande nosanggani-nggani nte ira ri posusa haitu.

Lukas 9:4

Ane ratarima ntona komiu, ponturomo ri sia sampe komiu malai lako ri ngata haitu.

2 Timotius 2:4

Apa tantara nabelo ledo notingguka bago ntanina tempo ia nombatui bagona niparasayaka ia. Apa ia madota mompakadamba rara nu tadulakona.