Lukas 9:10 - Kaili Ledo

¹⁰ Naupu ana-anaguru i Yesus nompatolele Kareba Belo bo nompakabelo tona nadua, nanjilimo ira. Bo pura-pura anu nipoviara hamai, nitesara ka i Yesus. Naupu haitu, ira niunaka i Yesus hau nompatani ri sangu ngata nosanga Betsaida.

Lukas 9:10 Iomraidhean Croise

Matius 11:21

NiuliNa, “Mandasa mpuumo komiu, toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea. Ane rapana kabaraka-kabaraka nipoviaKu ri ngatamiu Kupovia ri ngata Tirus bo Sidon, natantu nasaemo kajeara, nau ira ledo toYahudi. Bo natantu nasae munimo popakeara karu bo podikara sovu ri balenggara, tandana nabuku rarara bo nanjosomo nokainggu nadaa. Komiu toYahudi nanggita kabaraka-kabaraka haitu, tapi komiu ledo ntoto najea!

Markus 2:7

<>

Lukas 10:17

Bara sakuya kasaena naliu haitu, pitupulu topangoseaka i Yesus nanjili lako ri ngata-ngata nikalaura pangane. Nadamba mpuu rarara bo niulira, “Pue, nau seta natundu nte kami bo nalai tempo nipopalai kami nte kuasaMiu!”

Yohanes 1:44

I Filipus haitu tona lako ri ngata Betsaida, haitumo ngata ponturo i Andreas bo i Petrus.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.