Lukas 9:1 - Kaili Ledo

¹ I Yesus nompasiromu sapulu randua anaguruNa bo nidekeiNa kuasa ka ira mompopalai seta bo mompakabelo tona nadua mpengaya-ngaya.

Lukas 9:1 Iomraidhean Croise

Matius 16:19

Yaku mombadekei ka iko gunji Poparenta nu Alatala, haitumo, kuasa manggeniaka todea anu nomparasaya Yaku. Nuapa-nuapa mutagi ri dunia, haitu muni anu nitagi nu Alatala ri suruga. Bo nuapa-nuapa mudekei rapovia ntona ri dunia, haitu muni anu nidekei nu Alatala ri suruga.”

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Matius 8:9

Nisaniku ia mabelo sabana yaku muni natundu ri parenta nu tuaku. Bo naria muni tantara-tantara natundu nte parentaku. Ane kuuli ka saito tantara, ‘Koimo!’ ia kana hau. Bo ane kuuli ka tantara ntanina, ‘Katumai!’ ia kana tumai. Bo ane kuuli ka batuaku, ‘Povia haitu’, kana rapoviana haitu.”

Lukas 10:1

Naliutaka haitu, i Pue Yesus nompelisi pitupulu topangoseaka Ia ntanina. Tona pitupulu haitu nituduNa randua-randua samporoa mokolu ka Ia hau ri pura-pura ngata rakalauNa.

Lukas 10:19

Jadi, pariaramo! Yaku mombadekei kuasa ka komiu ala rapakulemiu mombajeje ule bo supitole bo mombadagi pura-pura karoso nu balita, bo ledo ria nuapa-nuapa mamala mombakuyasi komiu.

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 3:16

Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.

Suro-Suro 4:30

Pue, tulungi ala tona nadua mamala rapakabelo bo kabaraka bo tanda nipokumaaka majadi ante kuasa i Yesus, BatuaMiu nagasa.”

Suro-Suro 9:34

Nanguli i Petrus ka ia, “Eneas, i Yesus Kristus mompakabelo iko. Pembangumo, pasiayumo paturumu.” Naupu haitu kaliu-liu nabelomo i Eneas bo nembangu mpuumo ia.