Lukas 8:7 - Kaili Ledo

⁷ Naria muni savua nanavu ranggarui. Savua haitu natuvu singgani ante karui, tapi kaupuna namatemo savua haitu sabana niposiupisi nggarui.

Lukas 8:7 Iomraidhean Croise

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 13:7

Naria muni savua nanavu ranggarui. Karui natuvu sanggani-nggani nte savua. Nasae-sae, karui nangupisi savua haitu sampe namate.

Markus 4:7

Bo naria muni sanu savua nanavu ranggarui. Karui haitu natuvu bo nangupisi savua sampe ledo nabelo katuvuna bo ledo novua.

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Lukas 8:14

Savua nanavu ranggarui, nirapaka tona nangepe Tesa nu Alatala bo niparasayana. Tapi ira aga nompekirika katuvura ri dunia, ira madota makalumana bo madota matuvu masana ri dunia. Pura-pura haitu nompakabago ira sampe ira ledo napola nangoseaka Tesa nu Alatala bo katuvura ledo naria gunana.

Lukas 8:6

Naria muni savua nanavu ri tana navatu. Savua haitu natuvu tapi ledo nasae nalelemo sabana ledo naria uve nombabanggasi kalena.

Lukas 8:8

Bo naria muni savua nanavu ri tana naboya, bo nabelo mpuu katuvuna sampe vuana saatu-nggani kadeana.” Naupu notesa ivehaitu, nangulimo i Yesus, “Isema-sema naria talingana, pariaramo porapa hitu!”