Lukas 8:47 - Kaili Ledo

⁴⁷ Mombine haitu nombarasai poviana pangane domo namala ratabuniaka, nisani i Yesusmo. Jadi nakavamo ia nte eka bo nantaputu ri ngayo i Yesus. Bo niulina ri ngayo ntodea ri sia nuapa sabana sampe nikabekana baju i Yesus. Bo niulina muni kaliu-liu nabelomo ia.

Lukas 8:47 Iomraidhean Croise

Matius 28:8

Jadi nalaimo ira nasalisa lako ri dayo. Naeka ira tapi nadamba muni rarara. Nangovamo ira hau manguli anu najadi ka ana-anaguru i Yesus.

Markus 5:33

Nisani nu mombine haitu anu najadi ri karona. Jadi noletemo ia naeka, bo nantaputu ri ngayo i Yesus bo nenoa iamo nanggabe baju i Yesus pangane.

Lukas 8:46

Tapi nanguli i Yesus, “Naria mpuu tona nanggabe Yaku pangane. NisaniKu naria kuasa nesuvu lako nte Yaku.”

Lukas 8:48

Pade nangulimo i Yesus ka ia, “AnaKu, nabelomo iko sabana iko nomparasaya. Panjilimo iko. Damo Alatala mompakatinonto iko.”

Suro-Suro 16:29

Topojaga tarunggu nerapi poindo bo nangova hau ri tarunggu. Nolete-letemo ia nantaputu ri ngayo i Paulus bo i Silas.

1 Korintus 2:3

Jadi tempo yaku naria nte komiu, yaku nalente bo nolete naeka.

2 Korintus 7:15

Tove i Titus ka komiu nantambai kambasona tempo nitorana komiu mpuu-mpuu nangoseaka anu niulina. Nitarimamiumo ia bo nibilamiu ia bo nekou nte ia.

Filipi 2:12

Jadi sampesuvu-sampesuvu nipotoveku, komiu nasaro nangoseaka pepatudukiku tempo yaku da nosanggani-nggani ante komiu. Jadi kuperapi komiu batena mangoseaka pepatudukiku, nemopa sii-sii kita nosinggavao. Alatala nompakasalama komiu bo nidekeiNa katuvu nabelo ka komiu. Jadi pasimbuku njuumo matuvu manoa, maeka mokainggu nadaa, sampe kaupuna katuvumiu nabelo haitu ledo makura nuapa-nuapa.

Ibrani 12:28

Jadi haitu sampe kita masipato manguli tarima kasi nte Alatala, sabana Ia nombadekei loga ka kita majadi todea riara PoparentaNa bo PoparentaNa haitu ledo ntoto mogoya. Bo kita kana metupu nte Alatala ante cara nipodambaNa. Kita kana mekou nte Ia bo maeka movia anu ledo nipokonoNa.