Lukas 8:41 - Kaili Ledo

⁴¹ Ri sia, naria saito pakeni ri banua petupu nosanga i Yairus. Nantaputu ia ri kada i Yesus bo nerapi nte rarana mpuu-mpuu ala i Yesus hau ri banuana,

Lukas 8:41 Iomraidhean Croise

Lukas 13:14

Tempo pakeni ri banua petupu haitu nanggita i Yesus nompakabelo tobunggu ri eo penonto, naraumo rarana. Bo niulikana todea ri sia, “Riara saminggu naria ono-eo nipakatantu ka kita mokarajaa. Kakavamo komiu rapakabelo ri eo ntanina, aga nee ri eo penonto!”

Lukas 17:16

Ia notungga sampe ri tana ri ngayo i Yesus bo nanguli tarima kasi. Ia mai toSamaria.

Lukas 5:8

Tempo i Simon Petrus nanggita haitu, nantaputumo ia ri ngayo i Yesus bo nanguli, “Nee mapara nte yaku, Pue, apa yaku tona nadosa!”

Lukas 8:42

apa anana saito-itona, ana mombine noumuru sapulu rompae, nadua ntamo, damo kamatena. Nangepe haitu, haumo i Yesus ri banuana. Tempo ira da ranja mpolipa hau ri banua i Yairus, todea nomposimpii i Yesus.

Lukas 8:49

I Yesus da notesa ka mombine haitu, nakavamo tona lako ri banua i Yairus. Nanguli ia ka i Yairus, “Tua, namatemo anamu. Tumo mompakalenge i Guru hau ri banuamiu.”

Yohanes 11:21

Nosinggavapa nte i Yesus, nangulimo i Marta ka Ia, “Pue, ane naria Komiu ri sii tempo haitu, ledo mamate sampesuvuku i Lazarus.

Suro-Suro 13:15

Naupu nibaca sanggoto lako ri Buku Atura Agama bo Buku Nabi-nabi, pakeni-pakeni ri banua petupu haitu nantudu tona hau mompekutana i Paulus nte roana, “Sampesuvu-sampesuvu, ane maria tesamiu mompakaroso pomparasaya ntodea gahitu, radekei kami loga ka komiu motesa ka kami.”

Suro-Suro 18:17

Nesuvupa ira, nisakaramo pakeni ri banua petupu ntoYahudi anu nosanga i Sostenes, bo nibobara ia ri ngayo banua potangara. Tapi Gubernur Galio ledo ntoto nipeilina.

Suro-Suro 18:8

Pakeni ri banua petupu haitu nosanga i Krispus. Ira sambanua nomparasaya i Yesus muni. Nadea toKorintus ntanina nangepe kareba nikeni i Paulus, bo nomparasaya i Yesus bo nidiu, tandana ira topangoseaka i Yesus.

Suro-Suro 9:38

Topangoseaka i Yesus ri ngata Yope nangepe i Petrus naria ri ngata Lida. Bo ngata Yope ledo nakavao lako ri ngata Lida pangane. Sia sampe nitudura randua tona hau manguli petevai ka i Petrus ivei: “Kamai masalisa tumai ri ngata Yope.”

Pompakita 5:8

Tempo Ana Bimba nangala sura haitu, nantaputumo ampa Anu Natuvu, bo ropulu bo ampa totua ri ngayoNa mombasomba Ia. Ri palera saito-saito naria kacapi bo tubu bulava niisi dupa anu navangi mpuu. Dupa haitu nirapaka posambaya ntodea nu Alatala.