Lukas 8:35 - Kaili Ledo

³⁵ Nangepe tesa ntopojaga bavu, hau puramo ira manggita anu najadi. Tempo ira nakava nte i Yesus, nikitara tona nipesua nu seta pangane nakabasakamo lako ri seta-seta bo nonturo ri sinjori i Yesus. Nopakeamo ia bo nanotomo rarana. Nanggita haitu, naeka puramo ira.

Lukas 8:35 Iomraidhean Croise

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Markus 5:15

Nakavapa ira nte i Yesus, nikitara tona nipesua nu seta pangane nonturomo. Ia nobajumo bo nanotomo pekirina. Jadi naeka puramo ira nanggita ia.

Lukas 10:39

Naria saito sampesuvuna mombine, nosanga i Maria. I Maria haitu nakava nonturo napara kada i Yesus bo nompetalingai pepatudukiNa.

Lukas 15:17

Kaupuna, nanotomo rarana, bo nipekirina, ‘Tona nokarajaa ka tuamaku nelabi-labi kandeara, tapi yaku ri sii mamate ara.

Lukas 2:46

Nagana katalu-mbongina pade nikavara Ia ri Banua nu Alatala. Ia nonturo ri sia nangepe guru agama notesa bo nipekutana-tanaNa ira.

Lukas 8:27

Hamai naria saito langgai lako ri kota nipesua nu seta. Nasaemo ia nabaya, ledo nobaju bo ledo nadota nonturo ri banua. Ia aga nonturo ri podayo. Ia nasaro nipesua nu seta. Nau nirante palena bo kadana, bo nijagai mpuu-mpuu, da namalapa rante haitu nirantasina, bo nipakeni nu seta-seta hau ranggarava bai. Tempo i Yesus nanau ri tana, haumo tona nipesua nu seta haitu mompasintou i Yesus. Nongare ia bo nekadungga ri ngayoNa. I Yesus nantudu seta haitu malai lako ri karo ntona haitu. Jadi nongaremo tona nipesua nu seta haitu ante suara namangga, “Yesus, Ana nu Alatala anu Neliu KaogeNa! RakuyaMiu yaku? Kuperapi, nee mpuu rapandasaMiu yaku!”

Lukas 8:34

Tempo topojaga bavu haitu nanggita bavu nijagaira namate puramo, nangovamo ira hau nombatesa kajadia haitu ka tona rangatara bo ri ngata ntanina napara ri sia.

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

1 Yohanes 3:8

Tapi isema-sema batena novia dosa, ia nangoseaka dota Magau nu Seta, sabana Magau nu Seta nadosa mami lako ri lamba pamulana. Patuju kakava Ana nu Alatala ri dunia ala mompakaropu povia Magau nu Seta.