Lukas 8:3 - Kaili Ledo

³ Naria muni i Yohana, berei i Khuza tona nipomboli doi Magau Herodes. Bo naria muni i Susana bo da nadeapa mombine ntanina. Mombine gahaitu nompake doira mboto nantulungi i Yesus bo ana-anaguruNa.

Lukas 8:3 Iomraidhean Croise

Matius 14:1

Tempo haitu topoparenta ri bagia Galilea, Magau Herodes Antipas. Niepena kareba i Yesus

Matius 14:3

Iveimo tesa kamate i Yohanes Topediu: Bara sakuya kasaena dopame haitu, Magau Herodes nangagosi berei sampesuvuna mboto, haitumo i Herodias, berei i Filipus. I Yohanes Topediu nasaro nangonteaka Magau Herodes nanguli, “Ledo masipato komiu mompoberei eramiu mboto! Pokainggumiu haitu nombaliunaka Atura nu Alatala.” Jadi i Herodes nantudu tona mombasaka i Yohanes bo mombatipunggu ia bo mombasuaraka ia riara ntarunggu.

Matius 14:6

Naria saeo nipoviara posusa eo jadi i Herodes. Kamanana, haitumo ngana randaa i Herodias, nolodi ri ngayo ntoposusa haitu. Nadamba mpuumo rara i Herodes nanggita ia nolodi

Matius 2:11

Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Matius 20:8

Nasolopa eo, nanguli tupu ntalua haitu ka mandorona, ‘Pokio puramo topokarajaa bo bayari puramo gajira mompamula nte tona dako nompamula nokarajaa tinti alima sampe ira anu nokarajaa lako ri mpadondoname.’

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 26:11

Apa tona napakasi bate-batena maria ri tatangamiu, tapi Yaku ledo.

Matius 27:55

Nadea mombine neangga nakavao sakide nantara kajadia-kajadia haitu. Iramo mombine-mombine anu nangoseaka i Yesus bo nantulungi Ia nompamula lako ri pokarajaaNa ri bagia Galilea.

Lukas 24:10

Mombine pangane iamo: i Maria Magdalena, i Yohana, i Maria tina Yakobus, ante mombine-mombine ntanina. Nitesara pura-pura anu najadi pangane ka anaguruNa,

Yohanes 12:6

Kakanana ledo tona napakasi nitora i Yudas, tapi aga karona mboto apa ia topelea. Iamo anaguru anu niparasaya nombaboli doira, bo sanggani-sanggani nipeleana doi haitu. Haitu sampe niulina ivesia.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.