Lukas 8:25 - Kaili Ledo

²⁵ Nangulimo i Yesus ka ana-anaguruNa, “Nakuya komiu ledo nomparasaya Yaku?” Nokumaa bo naeka anaguruNa. Ira nosimpekutana, “Hee! Isema ntoto tano tona hitu? NiparentaNa poiri bo uve bo nioseakara mpuu!”

Lukas 8:25 Iomraidhean Croise

Matius 14:31

Jadi kaliu-liu niodo i Yesus paleNa mombasaka i Petrus. Bo niuliNa ka i Petrus, “Nakura mpuu pomparasayamu! Nakuya iko nolengga-lengga?”

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Matius 6:30

Jadi ane Alatala nompakagaya bunga-bunga ranggavoko anu aga natuvu sampalai bo maile rapalabusi, nemopa komiu! Natantu Ia mombadekei ka komiu pakea niparaluumiu. Nakura mpuu pomparasayamiu!

Matius 8:10

Nangepe tesana haitu, nokumaamo i Yesus, bo niuliNa ka todea anu nantuntuni Ia, “Natantu mpuu pomparasaya ntona hitu! Nau todea toYahudi, muli Israel, dopa ria nikavaKu pomparasaya ntona naroso eva pomparasaya ntona hitu!

Matius 8:26

Nangulimo i Yesus ka ira, “Nakuya komiu naeka? Nakura mpuu pomparasayamiu!” Naupu haitu neangga Ia nombatudu poiri bo balumba mbaso metaa. Bo kaliu-liu netaa mpuumo poiri bo nalinomo uve.

Markus 4:35

Nggoviana haitu muni, i Yesus nangunaka ana-anaguruNa, <>

Lukas 12:28

Jadi ane Alatala nompakagaya bunga-bunga ranggavoko anu aga natuvu sampalai bo rapalabusimo, nemopa komiu! Natantu Ia mombadekei pakea niparaluumiu! Nakura mpuu pomparasayamiu!

Lukas 8:24

Jadipa haumo anaguruNa nombalike i Yesus, “Guru, Guru! Mamatemo kita!” Nangepe topelike, nembangumo i Yesus. NipopetaaNa poiri bo balumba mbaso, netaa mpuumo! Bo rano haitu natinontomo.

Lukas 8:26

Naupu haitu i Yesus ante anaguruNa napola nosakaya sampe nakava ri bagia Gerasa, nosinjambote ante bagia Galilea.

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”