Lukas 8:21 - Kaili Ledo

²¹ Tapi nanguli i Yesus ka todea, “Isema-sema nangepe bo nangoseaka Tesa nu Alatala, tona haitumo nireke tinaKu bo sampesuvuKu.”

Lukas 8:21 Iomraidhean Croise

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 25:45

Bo Yaku mesana ka ira, ‘Pariaramo tesaKu hitu! Tempo komiu ledo nadota nantulungi sampesuvu-sampesuvuKu hitu anu naede panggana, batuana komiu ledo nadota nantulungi Yaku.’ ”

Matius 28:10

Nanguli i Yesus ka ira, “Nee maeka. Koi ulika sampesuvu-sampesuvuKu hau ri Galilea. Hamai rakitara Yaku.”

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Lukas 8:20

Naria saito tona nanguli ka i Yesus, “Guru, tinaMiu ante sampesuvu-sampesuvuMiu ria ri savalikuna. Ira madota mosinggava nte Komiu.”

Yohanes 13:17

Hitupa nisanimiumo pepatuduki hitu. Jadi mabelo mpuu komiu ane raoseakamiu pepatuduki hitu.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

2 Korintus 5:16

Jadi haitumo sabana kami domo nombareke tona bara nabelo bara nadaa nangoseaka pekiri manusia. Bara ipia ivesia mami kami nombareke i Kristus, tapi hitupa domo.

2 Korintus 6:18

Niuli muni ri Buku Gasa ivei: “Yaku majadi Tuamamiu bo komiu majadi ana-anaKu. Ivesiamo panguli nTupu anu Neliu KakuasaNa.” 2 Samuel 7:14, 1 Tawarikh 17:13, Yesaya 43:6, Yeremia 31:9

Yakobus 1:22

Jadi oseakamo tesa nu Alatala, bo nee aga raepe bayangi. Apa ane aga raepe bayangi, komiu nombabagiu karomiu mboto.

1 Yohanes 2:29

Nisanimiumo i Kristus batena nangoseaka dota nu Alatala. Sabana haitu kana rasanimiu muni, isema-sema nangoseaka dota nu Alatala, iamo ana nu Alatala.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.