Lukas 8:18 - Kaili Ledo

¹⁸ Jadi pariara pakabelo-belo Tesa nu Alatala niepemiu, sabana isema-sema mantarima bo mangoseaka Tesa haitu kana ratambaika pangisanina Tesa haitu. Tapi isema-sema ledo ratarimana bo ledo raoseakana Tesa nu Alatala, pangisani sakide naria nte ia ralelakasi lako nte ia.”

Lukas 8:18 Iomraidhean Croise

Matius 13:12

Apa isema-sema mantarima bo mangoseaka Tesa nu Alatala, kana ratambaika pangisanina sampe rasanina mpuu patuju nu Alatala. Tapi tona ledo nadota mantarima bo mangoseaka Tesa nu Alatala, masae-sae anu sakide nisanina haitu ralelakasi lako nte ia.

Matius 25:29

Apa isema naria madea, kana ratambai ka ia sampe madea mpuu nte ia. Tapi isema naria aga sakide, raalasi puramo lako nte ia.

Markus 13:14

<. (Isema-sema mombabaca tesa hitu kana rapariana batuana.) Jadi ane rakitamiu anu niboto Nabi Daniel neangga ri ponturo anu ledo masipato rapeanggana, haitumo tandana tona nonturo ri bagia Yudea kana mangova malai hau ri bulu ala masalama.

Lukas 19:26

Nesana madika haitu, ‘Kuuli ka komiu, isema-sema namala raparasaya ante anu nidekei ka ia, kana ratambai ka ia. Tapi isema-sema ledo namala raparasaya, anu naria sakide nte ia ralelakasi lako nte ia.

Lukas 9:44

“Pariaramo tesaKu hitu: Yaku, Ana nu Manusia nitoiya ntona sii-sii, tapi makava tempona Yaku radekei riara kuasa nu manusia.”

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

1 Korintus 8:2

Isema-sema nompekiri nadeamo nisanina, kakanana dopa nisanina mpuu anu masipato rasanina.

Filipi 3:4

Ane rapana kita mamala majadi manoa ri panggita nu Alatala sabana pompasimbukuta mboto atau tonuapa kita, yakumo hii mamalapa mangoe. Ane maria tona nompekiri ia mamala mangoe ka pompasimbukuna mboto atau tonuapa ia, nelabipa yaku!

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.